„Að tapa á HM er líka hluti af ferlinu. Að brenna af víti er líka hluti af ferlinu. Að vera óheppnir er líka hluti af ferlinu,“ á þessum orðum hefst pistill eftir rithöfundinn Hallgrím Helgason sem birtist á Facebook-síðu hans í kvöld.

Í færslunni sem fengið hefur töluverðar athygli Á Facebook minnir Hallgrímur landsmenn á að bera höfuð hátt og fagna árangri íslenska landsliðsins, þrátt fyrir tap gegn Nígeríu í dag.

„Verum því ekki döpur og spæld. Þetta var fínn leikur hjá þeim. Frábær fyrri hálfleikur þar sem við vorum með leikinn í okkar höndum og áttum nokkur úrvalsfæri sem heppni hefði skilað í mark,“ skrifar Hallgrímur.

Þrátt fyrir tapið í dag geta strákarnir enn komist upp úr riðlinum og Hallgrímur minnir á gleðina. „Við elskum þessa stráka. Áfram Ísland! Við erum í ferlinu. Þetta voru bara smá VAXTAVERKIR. Það er ennþá gaman,“ skrifar Hallgrímur að lokum en færsluna má sjá í heild hér að neðan. 

https://www.facebook.com/hallgrimur.helgason.9/posts/10156319255559178