433Sport

Plús og mínus – Hann fékk alltof mikið hrós – Viðkvæmur og ótraustur í kvöld

Victor Pálsson
Sunnudaginn 22. júlí 2018 21:10

Breiðablik vann frábæran sigur í Pepsi-deild karla í kvöld er liðið mætti FH í 13. umferð deildarinnar.

Blikar höfðu að lokum betur með fjórum mörkum gegn einu á Kópavogsvelli en liðið gerði þrjú mörk á aðeins tíu mínútum í síðari hálfleik.

Hér má sjá það góða og slæma úr leiknum.

Plús:

Thomas Mikkelsen er alvöru framherji og hefur nú gert tvö mörk í tveimur leikjum fyrir Blika. Þeir þurftu mörk og hann hefur skilað sínu. Einnig mjög vinnusamur og átti stóran þátt í þriðja marki liðsins.

Daninn elskar að vinna leiki og er tilbúinn að gera allt til þess. Framherjinn reyndi til að mynda að skora með olnboganum í leiknum og var nálægt því en boltinn fór framhjá. Þóroddur dómari ætlaði ekkert að dæma.

Skyndisóknirnar og föst leikatriði urðu FH-ingum aftur að falli. Voru með stjórn á þessum leik og voru mun líklegri aðilinn í síðari hálfleik en skyndisóknir Blika og föst leikatriði reyndust liðinu of mikið.

FH-ingar spiluðu alls ekkert illa í leiknum og buðu upp á flottan fótbolta. Voru að spila betri bolta ef farið er út í það.

Jónatan Ingi Jónsson var líklega besti leikmaður FH í dag. Bauð upp á frábæra takta og það er gríðarlega mikill kraftur í þessum strák.

Þóroddur Hjaltalín átti mjög góðan leik á flautunni. Menn komust ekki upp með neitt rugl en gulu spjöldin voru nokkur.

Mínus:

Gunnar Nielsen hefur verið að gera mistök í sumar og hann var ekki sannfærandi í marki FH í dag. Átti að gera betur í fyrsta marki Blika og var svo stálheppinn að fá ekki önnur mistök í andlitið er hann gaf boltann beint á Gísla Eyjólfs rétt fyrir utan teig.

Ég skil ekki af hverju Óli Kristjáns ákvað að taka Brand Olsen af velli í stöðunni 1-1. Þeirra mest skapandi leikmaður. Mögulega tæpur en ef ekki þá finnst mér sú ákvörðun röng.

Ég held að Eddi Gomes hafi fengið alltof mikið hrós eftir fyrsta leik sinn gegn KA. Talað var um að hann væri langbesti varnarmaður deildarinnar en hann var bara viðkvæmur og ótraustur í dag. Virkaði í engum takt við þennan leik og gerði nokkur klaufaleg mistök.

FH var með þennan leik í síðari hálfleik. Voru ógnandi fram á við en fá á sig þrjú mörk. Það er ekki hægt. Menn gáfust bara upp eftir annað mark Blika.

Blikar unnu leikinn 4-1 en það er hins vegar ekki hægt að segja að sú úrslit gefi rétta mynd.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Reyndi að fela þá staðreynd að hann væri sonur Ronaldinho

Reyndi að fela þá staðreynd að hann væri sonur Ronaldinho
433Sport
Fyrir 2 dögum

,,Keyptu mig ef þú vilt vinna titla“

,,Keyptu mig ef þú vilt vinna titla“
433Sport
Fyrir 3 dögum

Segir United hafa losað sig við leikmann sem er ‘betri en Vardy’

Segir United hafa losað sig við leikmann sem er ‘betri en Vardy’
433Sport
Fyrir 3 dögum

Samband Pogba og Mourinho sagt vera í molum – Allt í gegnum umboðsmanninn

Samband Pogba og Mourinho sagt vera í molum – Allt í gegnum umboðsmanninn
433Sport
Fyrir 5 dögum

Albert Guðmundsson til AZ Alkmaar

Albert Guðmundsson til AZ Alkmaar
433Sport
Fyrir 5 dögum

Aðeins einn leikmaður sem gat tekið við af Gerrard

Aðeins einn leikmaður sem gat tekið við af Gerrard
433Sport
Fyrir 6 dögum

Wilshere: Wenger var rekinn frá Arsenal

Wilshere: Wenger var rekinn frá Arsenal
433Sport
Fyrir 6 dögum

Sjáðu atvikið – Ótrúlegur Rooney hljóp alla leið til baka og lagði upp mark í blálokin

Sjáðu atvikið – Ótrúlegur Rooney hljóp alla leið til baka og lagði upp mark í blálokin