Real Madrid tapaði stórt í Meistaradeild Evrópu í gær er liðið fékk CSKA Moskvu í heimsókn á Santiago Bernabeu.
CSKA kom mörgum á óvart í fyrri leik liðanna og hafði betur með einu marki gegn engu í Rússlandi.
Liðið gerði þó enn betur í gær og vann nokkuð sannfærandi 3-0 útisigur á ríkjandi meisturunum.
CSKA náði ekki að tryggja sér sæti í Evrópudeildinni þrátt fyrir sigurinn en liðið hafnar í fjórða sæti riðilsins.
Arnór Sigurðsson átti frábæran leik fyrir CSKA en hann lagði upp fyrra mark liðsins og skoraði það seinna.
Hörður Björgvin Magnússon var á sínum stað í hjarta varnarinnar og stóð svo sannarlega fyrir sínu.
Báðir eru þeir í liði umferðarinnar í Meistaradeild Evrópu, magnað afrek í bestu deild í heimi.