Þórarinn Ingi Valdimarsson, leikmaður Stjörnunnar, gat brosað í kvöld eftir sigur liðsins á Breiðablik í úrslitum Mjólkurbikarsins.
Stjarnan hafði að lokum betur í vítakeppni en ekkert mark var skorað í venjulegum leiktíma eða framlengingu.
,,Þetta er bara geggjað. Þetta var geggjaður leikur, færi hjá báðum liðum og það er sætt að klára þetta og það er sérstakt að klára þetta í vító,“ sagði Þórarinn.
,,Mér fannst þetta vera 50/50 leikur, bæði lið fengu færi, við fengum helling af færum og þeir fengu færi. Þetta hefði getað endað 4-4.“
,,Gulli varði frá Baldri nokkrum sinnum og Halli varði virkilega vel í mörgum tilvikum og reddar okkur í vítakeppninni.“
,,Þú ert í þessu til að vinna titla. Að vinna í vító eða venjulegum leiktíma það skiptir ekki máli.“
,,Ég átti að vera númer fimm! Ég hefði þrullað honum einhvert niður í Laugardal!“ bætti Þórarinn við brosandi.
