Rúnar Páll Sigmundsson, þjálfari Stjörnunnar, var í skýjunum eftir sigur liðsins á Breiðablik í kvöld.
Stjarnan vann að lokum leikinn í vítakeppni og er bikarmeistari í fyrsta sinn í sögunni.
,,Þetta er ólýsanlegt fyrir framan okkar fólk. Leikurinn var svakalegur, frábær leikur hjá báðum liðum og þetta hefði getað endað báðum megin,“ sagði Rúnar.
,,Markmennirnir áttu stórleik, bæði Halli og Gulli og svo í vítakeppninni getur þetta endað hvar sem er.“
,,Ég get ekki lýst þessu. Það er stórkostlegt að vinna bikarmeistaratitilinn með sínu félagi og uppeldisklúbb. Þetta er ólýsanlegt.“
,,Markmennirnir voru öflugir, þetta var opinn og bráðskemmtilegur leikur.“
Nánar er rætt við Rúnar hér fyrir neðan.
