Paul Pogba, leikmaður Manchester United, lét athyglisverð ummæli falla á dögunum.

,,Það eru hlutir sem ég get sagt og hlutir sem ég get ekki sagt, annars verð ég sektaður af félaginu,“ sagði Pogba.

Frakkinn er sagður ósáttur undir stjórn Jose Mourinho en passar sig á því hvað hann segir í fjölmiðlum.

Mourinho var spurður út í þessi ummæli í dag en hann segir að það sé ekki auðvelt að fá sekt hjá félaginu.

,,Ég hef verið hérna í tvö ár og nokkra mánuði og eini leikmaðurinn sem hefur verið sektaður er Anthony Martial svo það er ekki auðvelt að fá sekt hér,“ sagði Mourinho.

Martial var sektaður fyrr í sumar er hann mætti of seint til æfinga eftir að hafa verið viðstaddur fæðingu sonar síns.