Jurgen Klopp, stjóri Liverpool, var allt annað en ánægður með varnarmanninn Sergio Ramos eftir úrslit Meistaradeildarinnar í maí.

Klopp vill meina að Ramos hafi viljandi reynt að meiða mikilvægasta leikmann Liverpool, Mohamed Salah í leiknum.

Salah fór af velli meiddur í fyrri hálfleik eftir viðskipti við Ramos og hikaði Þjóðverjinn ekki við að ásaka varnarmanninn.

Ramos hefur nú svarað Klopp og segir að hann noti þetta sem mögulega afsökun eftir að hafa tapað þónokkrum úrslitaleikjum í gegnum tíðina.

,,Þetta er ekki fyrsti úrslitaleikurinn sem hann tapar og kannski vill hann nota þetta sem afsökun,“ sagði Ramos.

,,Sumir af okkur hafa spilað í hæsta gæðaflokki í mjög mörg ár en ég er ekki viss um að hann geti sagt það sama.“