Það eru margar breytingar að eiga sér stað í spænska landsliðinu en liðinu vegnaði ekki vel á HM í sumar.
Andres Iniesta gaf það út fyrr á árinu að hann væri hættur með landsliðinu eftir 131 leik fyrir þjóð sína.
Um helgina tjáði varnarmaðurinn Gerard Pique aðdáendum sínum það að hann hafi ákveðið að fylgja Iniesta og hefur leikið sinn síðasta landsleik.
Í dag bárust þá þær fréttir að miðjumaðurinn David Silva er einnig hættur en hann lék 125 landsleiki á ferlinum.
Silva ætlar að einbeita sér algjörlega að Manchester City á Englandi og hættir með landsliðinu eftir 12 ára feril.
Silva er 32 ára gamall miðjumaður en hann skoraði 35 mörk í 125 landsleikjum.
