Hörður Snævar Jónsson skrifar frá Rostov:
Heimir Hallgrímsson þjálfari Íslands hrósaði því hvernig allt hefur verið í kringum liðið á HM í Rússlandi.
Rússar hafa lagt allt í sölurnar og hefur öll umgjörð í kringum HM verið frábær fyrir leikmenn, fjölmiðla og stuðningsmenn.
,,Allur þessi tími í Rússlandi hefur verið nánast fullkominn,“ sagði Heimir.
,,Allt skipulag í kringum okkur hefur verið upp á 10, fólkið í kringum okkur hefur verið mjög hjálpsamt. Við getum ekki annað en hrósað Rússum fyrir frammkvæmdina, það kemur beint frá hjartanu.“
,,Það verða góðar minningar héðan ef örlögin eru slík að við dettum út á morgun. Góðar minningar frá Gelendzikh, mikil upplifun og reynsla. Það mun nýtast í framhaldinu.“
