Kjartan Atli Kjartansson, þjálfari Álftaness í körfubolta og íþróttafréttamaður, var gestur Helga Fannars Sigurðssonar og Hrafnkels Freys Ágústssonar í Íþróttavikunni. Þátturinn kemur út alla föstudaga á 433.is, Hringbraut.is og á Hringbrautarrás Sjónvarps Símans.
Kjartan var að ljúka sínu örðu tímabili sem þjálfari Álftaness. Eftir að hafa komið liðinu upp í efstu deild í fyrra hafnaði liðið í sjötta sæti í ár og fór inn í úrslitakeppnina. Þar var Keflavík andstæðingurinn en einvígið tapaðist 3-1.
„Jú. Þetta var mikill skóli og krydd í tilveruna að komast í undanúrslit í bikarnum líka. Þetta var rússíbanareið og það komust allir heilir úr henni. Þetta var mjög gaman og það skemmtilegasta er þetta samfélag sem hefur myndast í kringum körfuna á nesinu,“ sagði Kjartan um tímabilið.
Körfuboltaliðið hefur gert mikið fyrir bæjarfélagið úti á nesi.
„Það var maður, Álftnesingur, sem var úti að ganga þremur dögum eftir tapið gegn Keflavík. Hann mætti manni sem hann hafði oft séð áður en aldrei talað við, svo allt í einu voru þeir farnir að spjalla um körfuna.“
Kjartan ræðir tímabilið og starfið úti á Álftanesi nánar í spilaranum.
Íþróttavikan er í boði Bolta léttöl og Lengjunnar