fbpx
Föstudagur 19.júlí 2019  |

DV - Frjáls og óháður miðill

Sport

Jón Daði kominn til Wolves

Ritstjórn DV
Þriðjudaginn 2. ágúst 2016 21:30

Ekki missa af Helstu tíðindum dagsins í pósthólfið þitt

Lesa nánar

Landsliðsmaðurinn í knattspyrnu Jón Daði Böðvarsson er genginn í raðir enska B-deildarliðsins Wolves en tilkynnt var í hádeginu að Jón Daði hefði skrifað undir þriggja ára samning við enska liðið. Hann kemur frá þýska liðinu Kaiserslautern sem hann hefur leikið með frá síðustu áramótum. Þar áður var hann hjá norska liðinu Viking.

,,Ég hef fylgst með ensku knattspyrnunni alla tíð og ég hef mikinn metnað fyrir því að leika í enska boltanum. Ég er virkilega ánægður með að vera kominn til félagsins,“ segir Jón Daði m.a. á heimasíðu Wolves.

Kaupverðið var ekki gefið upp en enskir fjölmiðlar segja frá því að Wolves hafi greitt 2,7 milljónir punda fyrir íslenska landsliðsmanninn sem vakti töluverða athygli með framgöngu sinni með landsliðinu á Evrópumótinu í Frakklandi í sumar.

Fleiri lið voru á höttunum á eftir Jóna Daða, þar á meðal enska B-deildarliðið Q.P.R.. Wolves er komið í eigu kínverska fjárfesta en liðið hafnaði í 14. sæti í B-deildinni á síðasta tímabili. Keppnin í deildinni hefst um næstu helgi og mætir Wolves þá Rotherham í fyrstu umferð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af