Fugfélagið Jet2 hefur sett par á sextugsaldri í ævilangt flugbann hjá félaginu vegna kynferðilegrar hegðunar um borð í flugi til Gran Canaria.

Canarian Weekly greinir frá. Kemur þar fram að farþegum sem sátu nálægt parinu hafi verið mjög misboðið yfir hegðun þeirra sem þó er ekki lýst nánar, nema að hún hafi verið ósæmileg. Ekki síst féll fólki illa að barnafjölskyldur voru um borð í fluginu og mögulega sáu börn til tilburða parsins.

Einn farþeganna sem varð vitni að hegðun parsins gerði starfsfólki viðvart sem ræddi við parið. Báru þau fyrir sig að þau hefðu verið að biðja en ekki stunda kynlíf.

Þrátt fyrir þessa truflun seinkaði fluginu ekki og vélin lenti á Kanaríeyjum á tilsettum tíma. En þegar þangað kom var fólkinu meinað um gistingu á hótelinu sem þau höfðu bókað herbergi á og ennfremur var þeim meinað að fljúga til baka með Jet2.

Í yfirlýsingu frá Jet2 kemur fram að fólkið hafi verið setti í varanlegt bann hjá félaginu. Þar segir jafnframt að Jet2 líði ekki óviðeigandi hegðun farþega.