Írinn Colm Dalton hefur svo sannarlega sett sér háleitt markmið og vonast til að ná því. Hann stefnir á að heimsækja alla írska pöbba í heiminum en þeir eru að sögn um 6.500. Hann hefur nú þegar heimsótt 100 pöbba í 35 löndum.

Pöbbarnir þurfa að uppfylla það skilyrði að nota græn skilti, selja Guinness bjór og leika írska þjóðlagatónlist.

Foreldrar Dalton höfðu írska þjóðlagatónlist í hávegum og því engin furða að hann sé hrifinn af slíkri tónlist. Hann hefur eytt ansi mörgum klukkustundum á pöbbum á Írlandi og er heillaður af því að kynnast írskum pöbbum utan heimalandsins.

Hann bloggar um ferðir sína og pöbbana sem hann heimsækir og fylgist fjöldi fólks með skrifum hans.

Hann skýrir til dæmis frá því að í Indónesíu hafi hann fundið írskan pöbb í verslunarmiðstöð í Jakarta.

Á Balí hitti hann barþjón, sem klæddist eins og írskur álfur og talaði með Dyflinarhreim.

Í Sarajevó fann hann pöbb sem heitir „Irish Pub“ en þar var engin írsk stemmning, starfsfólk né bjór sem stóð undir væntingum.