Niðurstöður ar rannsóknar benda til að martraðir geti verið fyrstu merkin um að fólk þjáist af Parkinsonssjúkdómnum. Niðurstöður rannsóknarinnar eru að eldri karlmenn séu tvisvar sinnum líklegri til að greinast með Parkinsonssjúkdóminn eftir að þeir byrja að fá martraðir.

The Sun hefur eftir Dr Abidemi Otaiku, aðalhöfundi rannsóknarinnar og vísindamanni við Birmingham háskóla, að þótt það geti verið mjög gott að greina Parkinsonssjúkdóminn snemma þá séu mjög fá einkenni sem sé hægt að greina og mörg þeirra krefjist kostnaðarsamra rannsókna á sjúkrahúsum eða séu mjög algeng.

Hann sagði að ef draumfarir fólk breytist þegar það eldist og slæmir draumar og martraðir verði algengar, án nokkurrar skýrrar ástæðu, geti verið rétt hjá því að leita læknis.

Rannsóknin hefur verið birt í eClinicalMedicine. Í henni var fylgst með 3,818 eldri mönnum í 12 ár.

Vísindamennirnir komust að því að þeir þátttakendur sem upplifðu oft slæma drauma voru tvisvar sinnum líklegri til að þróa með sér Parkinsonssjúkdóminn en þeir sem ekki upplifðu drauma af þessu tagi. Martraðirnar gerðu vart við sig nokkrum árum áður en önnur algeng einkenni sjúkdómsins, til dæmis skjálfti, gerðu vart við sig.