Eftir því sem Priory Group segir þá er fjárhagslegur ávinningur af því að drekka ekki áfengi ekki það eina sem fólk nýtur góðs af ef það sleppir áfenginu. Meðal þeirra jákvæðu áhrifa sem engin áfengisneysla hefur eru:
Í fyrstu vikunni eru miklar líkur á að þú brotnir og standist ekki freistinguna og fáir þér áfengi, það er að segja ef þú ert vanur að drekka áfengi reglulega. En ef þér tekst að standast freistinguna þá muntu taka eftir jákvæðum áhrifum á svefninn.
Það getur verið erfiðara að sofna fyrstu dagana ef þú ert vanur að fá þér áfengi á kvöldin en á móti kemur að svefngæðin verða betri þegar þú drekkur ekki áfengi. Þess utan sýnir tölfræðin að ef maður drekkur ekki áfengi þá borðar maður minna af skyndibitafæði sem er auðvitað ekki neitt hollustufæði.
Einbeitingin batnar líka ef þú sleppir áfenginu og líkaminn þornar ekki eins mikið. Það að drekka sex vínglös svarar til þess að líkaminn missi sem svarar til 19-24 glösum af vatni.
Í annarri viku ferðu að finna vel fyrir áhrifum bætts svefns og vökvajafnvægis. Þú finnur líka fyrir meiri hvatningu til flestra verka og húðin verður betri. Þú munt einnig líta betur út í heildina.
Ef þú glímir við bakflæði eða brjóstsviða þá dregur úr einkennunum því áfengi pirrar slímhimnuna í maganum.
Eftir þrjár vikur hefur blóðþrýstingurinn lækkað og þú hefur sleppt því að innbyrða mikið magn af kaloríum. Ef þú ert vanur að drekka þrjá bjóra á viku þá hefurðu sleppt því að innbyrða um 3.200 hitaeiningar. Ef þú drekkur venjulega sex vínglös á viku eru þetta um 3.000 hitaeiningar.
Ef þér tekst að sleppa áfenginu í fjórar vikur þá geturðu svo sannarlega hrósað sjálfum þér. Þú munt líklega finna það á heilsunni að þú hefur ekki neytt áfengis í nokkrar vikur.
Húðin mun líta betur út, þú hefur sparað slatta af peningum, þú virðist grennri og líklega ertu í betra skapi!
