Norðurkóreski herinn varð fyrir gríðarlegu mannfalli í Kúrsk-héraðinu í Rússlandi þar sem norðurkóreskir hermenn börðust við hlið rússneskra gegn úkraínskum hermönnum.

Þetta kemur fram í stöðuuppfærslu breska varnarmálaráðuneytisins um gang stríðsins á milli Rússlands og Úkraínu.

Segir ráðuneytið að líklega hafi rúmlega 6.000 norðurkóreskir hermenn fallið í Kúrsk. Rússum tókst, með aðstoð norðurkóreskra hermanna, eftir mikinn barning að ná þeim hlutum héraðsins, sem Úkraínumenn voru með á valdi sínu, á sitt vald nýlega.

Mannfall Norður-Kóreu í héraðinu er gríðarlegt miðað við að 11.000 norðurkóreskir hermenn voru sendir til aðstoðar. Þetta þýðir að rúmlega helmingur hermannanna snýr ekki aftur heim lifandi.