Fær hann í sinn hlut 208 milljónir punda, eða rétt rúma 35 milljarða króna. Í júlí 2022 vann heppinn miðaeigandi á Bretlandseyjum 195 milljónir punda og var það stærsti vinningur sögunnar þar til í gærkvöldi.
Lukkutölurnar að þessu sinni voru 13, 22, 23, 44 og 49 og bónustölurnar voru 3 og 5. Potturinn getur ekki farið yfir 35 milljarða króna og eru nokkrar vikur síðan hann náði hámarki sínu.
Frekari upplýsingar um vinningshafann liggja ekki fyrir en hann hefur 180 daga til að vitja vinningsins.
Níu þjóðir taka þátt í EuroMillions-lottóinu en það eru Austurríki, Belgía, Frakkland, Írland, Lúxemborg, Portúgal, Spánn, Sviss og Bretland.
