„Móðir mín var greind með 4. stigs krabbamein eftir að mein fundust á fimm stöðum í líkama hennar og yfirmaður hennar er að þrýsta á hana að koma aftur til vinnu.“
Svona hefst færsla sem karlmaður birti á Reddit og með færslunni birti hann mynd af tölvupóstinum sem yfirmaðurinn sendi.
„Hæ, getur þú vinsamlega fengið bréf frá krabbameinslækninum til að fá úrskurðað hvort þú ert fær til að koma aftur til vinnu. Ef þú ert fær að koma til vinnu þá verður læknirinn að tilgreina ef það er einhver vinna sem þú getur ekki sinnt svo það verði auðveldara að snúa aftur til vinnu. Sendu einnig meðferðaráætlun þína svo við getum skipulagt vinnu í samræmi við þörf. Vinsamlega sendu vottorðið sem fyrst dagsett frá 20. mars. Vinsamlega komdu inn á morgun kl. 14 til að hitta x og fara yfir stöðuna á velferðarfundi. Takk.“
Færsluhöfundur sagði að móðir hans hefði verið greind með krabbamein fyrir 18 mánuðum síðan og að yfirmaðurinn hafi verið meðvitaður um alvarleika veikinda hennar í langan tíma.
Í athugasemdum má sjá að netverjum finnst hegðun yfirmannsins hræðileg. Einn sagði tölvupóstinn „sjúkan“. „Hversu mannskemmandi. Mér þykir þetta svo leiðinlegt,“ segir annar. Þriðji sagði hegðun yfirmannsins væri „algerlega glæpsamlega“.
Færsluhöfundur sagði jafnframt að móður hans vonaðist til að snúa aftur til vinnu þegar hún getur.
„Læknateymi hennar er alltaf að segja okkur að „já, þetta er ennþá stig 4, en þú ert sterk og ástand þitt stöðugt í gegnum meðferðina.“ Nú hefur hún verið í krabbameinslyfjameðferð í langan tíma, en ég trúi svo sannarlega að hún muni ná bata.
Ég vil líka þakka öllum fyrir góðar óskir og hvatningarorð. Ég er svo gaman að sjá að það eru svo margir sammála mér um að hegðun yfirmannsins sé ekki sanngjörn.“
