fbpx
Föstudagur 24.september 2021
Pressan

Norður-Kórea krefst tilslakana á refsiaðgerðum – Vantar „nauðsynjar“ á borð við áfengi og jakkaföt

Kristján Kristjánsson
Miðvikudaginn 4. ágúst 2021 16:30

Frá Norður-Kóreu.

Ekki missa af Helstu tíðindum dagsins í pósthólfið þitt

Lesa nánar

Ríki heims hafa árum saman beitt Norður-Kóreu refsiaðgerðum vegna vopnaskaks og kjarnorkutilrauna yfirvalda. Eitthvað virðast þessar aðgerðir vera farnar að bíta því yfirvöld í Norður-Kóreu krefjast nú tilslakana á refsiaðgerðum ef þau eiga að hefja viðræður um kjarnorkumál við Bandaríkin. Norðanmenn vilja meðal annars fá að flytja inn dýr vín og jakkaföt.

Þetta segja suðurkóreskir þingmenn. Þeir segja að grannarnir i norðri vilji einnig að þeim verði heimilað að flytja málma úr landi og kaupa eldsneyti og aðrar nauðsynjar. Þetta kom fram á fundi þingmanna með Park Jie-won, yfirmanni suðurkóresku leyniþjónustunnar.

Leyniþjónustan skýrði einnig frá því að verið væri að dreifa varabirgðum norðurkóreska hersins af hrísgrjónum en mikill matarskortur er í Norður-Kóreu vegna þurrka og ekki bæta refsiaðgerðir alþjóðasamfélagsins úr skák. Heimsfaraldur kórónuveirunnar hefur síðan gert ástandið enn verra. Varabirgðir hersins átti að geyma ef til stríðs kæmi og það sýnir því vel hversu slæmt ástandið er að nú sé gengið á þær. The Guardian skýrir frá þessu.

Í síðustu viku voru samskiptaleiðir á milli Kóreuríkjanna opnaðar á nýjan leik að frumkvæði Kim Jong-un, einræðisherra í Norður-Kóreu. Suðurkóreska leyniþjónustan segir að fulltrúar ríkjanna ræðist nú við tvisvar á dag. Í þessum viðræðum hafa norðanmenn sett fram óskir sínar um tilslakanir á refsiaðgerðum. Þeir vilja fá að flytja dýr vín og jakkaföt inn til að dreifa til elítunnar í höfuðborginni Pyongyang að sögn suðurkóresku leyniþjónustunnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loksins hefur Boris Johnson staðfest hvað hann á mörg börn – „Ég skipti um margar bleiur“

Loksins hefur Boris Johnson staðfest hvað hann á mörg börn – „Ég skipti um margar bleiur“
Pressan
Í gær

Staðfest að líkið er af Gabby Petito og að hún var myrt

Staðfest að líkið er af Gabby Petito og að hún var myrt
Pressan
Fyrir 2 dögum

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar
Pressan
Fyrir 2 dögum

Minnisblað varpar ljósi á áætlun lögmanna Trump um að ógilda niðurstöður forsetakosninganna

Minnisblað varpar ljósi á áætlun lögmanna Trump um að ógilda niðurstöður forsetakosninganna
Pressan
Fyrir 4 dögum

Ný stofnun á að glíma við heimsfaraldra framtíðarinnar og þróa bóluefni hratt og örugglega

Ný stofnun á að glíma við heimsfaraldra framtíðarinnar og þróa bóluefni hratt og örugglega
Pressan
Fyrir 4 dögum

Of mikill frítími eykur ekki vellíðan fólks

Of mikill frítími eykur ekki vellíðan fólks