fbpx
Fimmtudagur 23.september 2021
Pressan

Fyrstu staðfestu átök simpansa og górilla

Kristján Kristjánsson
Laugardaginn 31. júlí 2021 07:00

Yfirleitt lifa tegundirnar í sátt og samlyndi. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Þann 11. desember 2019 urðu vísindamenn vitni að átökum á milli simpansa og górilla í Loango þjóðgarðinum í Gabon. Þeir sáu 27 simpansa ráfa um en skyndilega stoppaði einn þeirra, Freddy, skyndilega. Hann stífnaði allur upp og byrjaði að öskra og var mjög æstur. Allur hópurinn tók undir öskur hans. Ástæðan var að hópurinn hafði komið auga á lítinn hóp górilla sem lá og slakaði á uppi í tré. Þar var um að ræða karldýr, tvö kvendýr sem báru ung afkvæmi sín og eina górilla á unglingsaldri.

ScienceAlert skýrir frá þessu.

Skömmu eftir að öskrin byrjuðu klifruðu flestir simpansanna upp í trén í kringum górillurnar. Einn af fullorðnu karlsimpönsunumChenge, klifraði upp í tré górillanna og gaf frá sér hátt öskur sem varð til þess að kvengórillurnar klifruðu hærra upp með afkvæmi sín.

Ekki leið á löngu þar til karlgórillan lét sig hverfa en annað kvendýrið klifraði hærra upp í tréð en hin fór niður á jörðina til að reyna að komast á brott með afkvæmi sitt. Þar umkringdu simpansar hana. Þeir öskruðu og slógu til hennar með trjágreinum og einn reif ungann af henni. Skömmu síðar sáu vísindamennirnir að unginn var dauður. Simpansarnir átu hann síðan.

Yfirleitt lifa tegundirnar í sátt í námunda við hvor aðra og því komu þessi átök mjög á óvart. En það að fólk hafi ekki orðið vitni að slíkum atburðum áður þýðir ekki endilega að tegundirnar hafi ekki tekist á.

Vísindamennirnir hafa birt rannsókn sína á þessum atburði í vísindaritinu Scientific Reports.

Í henni kemur fram að þeir hafi einnig orðið vitni að átökum á milli tegundanna í febrúar 2019. Þá réðust 18 simpansar á fimm górillur, karldýr, þrjú fullorðin kvendýr og einn unga. Eins og í fyrrgreindu átökunum drápu simpansarnir górilluunga.

Nú bíður það verkefni vísindamanna að komast að af hverju simpansarnir verða svona árásargjarnir. Ekki er talið útilokað að barátta um fæðu eigi þar hlut að máli en simpansar, górillur og skógarfílar keppa að hluta um sömu fæðuna í þjóðgarðinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loksins hefur Boris Johnson staðfest hvað hann á mörg börn – „Ég skipti um margar bleiur“

Loksins hefur Boris Johnson staðfest hvað hann á mörg börn – „Ég skipti um margar bleiur“
Pressan
Í gær

Staðfest að líkið er af Gabby Petito og að hún var myrt

Staðfest að líkið er af Gabby Petito og að hún var myrt
Pressan
Fyrir 2 dögum

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar
Pressan
Fyrir 2 dögum

Minnisblað varpar ljósi á áætlun lögmanna Trump um að ógilda niðurstöður forsetakosninganna

Minnisblað varpar ljósi á áætlun lögmanna Trump um að ógilda niðurstöður forsetakosninganna
Pressan
Fyrir 4 dögum

Ný stofnun á að glíma við heimsfaraldra framtíðarinnar og þróa bóluefni hratt og örugglega

Ný stofnun á að glíma við heimsfaraldra framtíðarinnar og þróa bóluefni hratt og örugglega
Pressan
Fyrir 4 dögum

Of mikill frítími eykur ekki vellíðan fólks

Of mikill frítími eykur ekki vellíðan fólks