Pete Buttigieg, samgöngumálaráðherra Bandaríkjanna, hefur verið gagnrýndur fyrir að segjast einungis hafa efni á íbúð með einu svefnherbergi og án stofu í Washington DC. Hann vill meina að hann og unnusti hans eigi ekki efni á því að leigja stærri íbúð. Chesten Buttigieg, eiginmaður hans, ræddi þetta í viðtali við Washington Post.
Árslaun Pete sem samgöngumálaráðherra eru 221.400 dollarar, sem gera um 28 milljónir króna. Það gera rúmlega 2,3 milljónir króna á mánuði. Chasten er atvinnulaus en þeir borga um 3.000 dollara á mánuði fyrir íbúð sína sem gera um 378 þúsund krónur.
Þeir áttu heima í Indiana-fylki en fluttust þaðan þegar Pete varð ráðherra. Þeir áttu hús þar sem þeir seldu og skelltu sér á leigumarkaðinn. Chasten vill meina að það sé ómögulegt að búa í Washington DC vegna leigumarkaðsins.
Þeir hafa verið gagnrýndir fyrir þetta í bandarískum miðlum þar sem fólki finnst skrítið að eiga ekki efni á að leigja fyrir meira en 378 þúsund krónur þegar þeir fá 2,3 milljónir á mánuði. Fólk segir að stærðfræðin sé eitthvað röng hjá þeim hjónunum.
