fbpx
Mánudagur 26.júlí 2021
Pressan

Netanyahu veittist að Bandaríkjunum og eftirmanni sínum í kveðjuræðu sinni

Kristján Kristjánsson
Mánudaginn 14. júní 2021 07:59

Benjamin Netanyahu fyrrverandi forsætisráðherra Ísraels.

Ekki missa af Helstu tíðindum dagsins í pósthólfið þitt

Lesa nánar

Benjamin Netanyahu lét í gærkvöldi af embætti forsætisráðherra Ísraels eftir 12 ár. Kveðjustundin var ekki alveg laus við dramatík og veittist Netanyahu að Bandaríkjunum og eftirmanni sínum í embætti.

Það er Naftali Bennett sem er nú forsætisráðherra Ísraels en þing landsins greiddi atkvæði um ríkisstjórn hans í gær og samþykkti hana með minnsta mun, einu atkvæði. Bennett gekk illa að fá orðið á þinginu í gær en pólitískir andstæðingar hans gerðu hróp að honum.

Bennett er leiðtogi öfgahægriflokks. Átta flokkar standa að nýju ríkisstjórninni og eiga eiginlega það eitt sameiginlegt að hafa viljað koma Netanyahu frá völdum. Flokkarnir eru allt frá öfgahægriflokki til öfgavinstriflokks.

Í kveðjuræðu Netanyahu kom berlega í ljós að hann hefur engan áhuga á að reyna að byggja upp gott samband við Bennett. Hann kom með háðulega hvatningu til hans um að reyna að valda eins litlu tjóni og hann gæti á þeim frábæra efnahag sem ríkisstjórn hans tekur nú við til að gera Netanyahu og samstarfsfólki hans auðveldar fyrir þegar það taki aftur við völdum fljótlega.

Hann skaut einnig föstum skotum á Bandaríkin, sem eru nánasti bandamaður Ísraels. Óvenjulegt er að Ísrael gagnrýni Bandaríkin en Netanyahu gagnrýndi stjórn Biden og hugsanlega endurupptöku kjarnorkusamningsins við Íran.

„Nýja stjórnin í Bandaríkjunum bað mig um að halda ósætti okkar um kjarnorkumálin okkar á milli og ekki opinbera það. Ég sagði að það myndi ég ekki gera og ég skal segja ykkur af hverju: Af því að sagan er að endurtaka sig fyrir augum okkar,“ sagði hann og bætti við að Bandaríkin hafi neitað að varpa sprengjum á járnbrautarteina sem lágu að útrýmingarbúðum nasista í síðari heimsstyrjöldinni og að Bandaríkjamenn hafi neitað að varpa sprengjum á gasklefana. „Það hefði getað bjargað milljónum mannslífa. Þá áttum við ekkert land eða her. En í dag höfum við rödd og getu til að verja okkur,“ sagði hann.

Hann sagðist einnig hafa skýrt varnarmálaráðherra Bandaríkjanna frá því í apríl að hann myndi „gera allt sem í hans valdi stendur til að koma í veg fyrir samning sem gerir Íran að kjarnorkuveldi“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Ekið á hjólreiðamann
Pressan
Fyrir 2 dögum

Nýtt stefnumótaapp á markaðinn í Íran

Nýtt stefnumótaapp á markaðinn í Íran
Pressan
Fyrir 2 dögum

Hafa fundið ummerki eftir loftsteininn sem drap risaeðlurnar

Hafa fundið ummerki eftir loftsteininn sem drap risaeðlurnar
Pressan
Fyrir 3 dögum

Eftirlifendur frá Útey fá morðhótanir og hatursskilaboð – „Synd að Breivik miðaði ekki betur“

Eftirlifendur frá Útey fá morðhótanir og hatursskilaboð – „Synd að Breivik miðaði ekki betur“
Pressan
Fyrir 3 dögum

COVID-19 sjúklingur dulbjó sig sem konu til að geta ferðast flugleiðis

COVID-19 sjúklingur dulbjó sig sem konu til að geta ferðast flugleiðis
Pressan
Fyrir 4 dögum

Svíar hyggjast þyngja refsingar yfir ungmennum

Svíar hyggjast þyngja refsingar yfir ungmennum
Pressan
Fyrir 4 dögum

Hann er einn áhrifamesti andstæðingur bólusetninga í Bandaríkjunum

Hann er einn áhrifamesti andstæðingur bólusetninga í Bandaríkjunum