fbpx
Föstudagur 19.ágúst 2022
Pressan

„Horfin“ í þrjú ár – Dularfullar myndir kynda undir umræðu

Kristján Kristjánsson
Mánudaginn 31. maí 2021 06:59

Latifa til hægri á myndinni. Mynd:Instagram

Ekki missa af Helstu tíðindum dagsins í pósthólfið þitt

Lesa nánar

„Ég hef verið tekin í gíslingu. Þetta hús er orðið að fangelsi,“ sagði Latifa prinsessa á myndbandsupptöku sem var smyglað út úr „fangelsinu“ hennar í febrúar á þessu ári. Síðan hefur ekkert heyrst né sést til hennar fyrr en á fimmtudaginn. Þá voru birtar myndir af henni á Instagram og aftur á föstudaginn og aftur á laugardaginn.  Latifa er dóttir Sheikh Mohammed bin Rashid Al Maktoum, sem er valdamesti maðurinn í Dubai.

En þrátt fyrir að nú hafi á vissan hátt borist lífsmark frá prinsessunni, sem hefur sjálf sagt að henni sé haldið fanginni gegn vilja sínum, þá eru enn uppi efasemdir um hvort hún er frjáls ferða sinna.

Saga Latifa, sem er 35 ára, hófst 2018 þegar myndbandi af henni var dreift á netinu og vakti það mikla athygli. „Ef þú ert að horfa á þetta myndband þá er það ekki gott. Annað hvort er ég dáin eða í mjög slæmri stöðu,“ segir hún. Myndbandið var tekið áður en hún flúði frá Sameinuðu arabísku furstadæmunum en hún sagðist vera að flýja kúgun, frelsissviptingu og misnotkun af hálfu föður síns.

Í febrúar 2018 fór hún um borð í lítinn bát og sigldi út í stærri bát þar sem fyrrverandi franskur njósnari var meðal annars um borð. Stefna var tekin á Indland og frelsi. Flóttinn mistókst og prinsessan var handtekin og hvarf sjónum þar til fyrrnefnt myndband var birt. En þrátt fyrir að augu heimsins hafi beinst að föður hennar gerðist ekkert í málinu fyrr en í árslok 2018 þegar yfirvöld í furstadæmunum birtu mynd af Latifa með Mary Robinson, fyrrum yfirmanni mannréttindastofnunar SÞ.

Þessi mynd var birt á föstudaginn. Mynd:Instagram

Síðan varð aftur þögn þar til í febrúar á þessu ári en þá birtist myndbandið af henni þar sem hún sagði að sér væri haldið fanginni í einbýlishúsi. „Allir gluggar eru negldir aftur, ég get ekki opnað einn einasta glugga. Það eru fimm lögreglumenn fyrir utan og tvær lögreglukonur inni. Ég get ekki farið út,“ sagði hún. Myndbandið var tekið upp á farsíma sem Latifa virðist hafa látið smygla inn til sín og síðan aftur út.

Skjáskot af myndbandinu sem var smyglað út í febrúar.

Margir létu mál hennar til sín taka, þar á meðal Boris Johnson, forsætisráðherra Bretlands, og Mannréttindastofnun SÞ sem krafðist sannana fyrir að Latifa væri á lífi en ekkert gerðist fyrr en á fimmtudaginn þegar byrjað var að birta myndir af henni á Instagram. Rétt er að hafa í huga að myndirnar eru ódagsettar.

Nú velta margir vöngum yfir hver tilgangurinn er með þessum myndabirtingum. Er verið að reyna vekja athygli á málinu á nýjan leik eða eru yfirvöld í furstadæmunum að svara SÞ?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fjölskyldan keypti ferðatösku á uppboði – Fundu lík í henni

Fjölskyldan keypti ferðatösku á uppboði – Fundu lík í henni
Pressan
Fyrir 2 dögum

Segir að Trump geti fengið 10 ára fangelsisdóm

Segir að Trump geti fengið 10 ára fangelsisdóm
Pressan
Fyrir 3 dögum

Aðgerðasinnar settu steypu í holur á golfvöllum

Aðgerðasinnar settu steypu í holur á golfvöllum
Pressan
Fyrir 3 dögum

600 mörgæsahræ rak á land eftir hræðilegan fellibyl

600 mörgæsahræ rak á land eftir hræðilegan fellibyl
Pressan
Fyrir 4 dögum

Dularfulli „Herramaðurinn“ sem fannst í Norðursjónum – Hver var hann?

Dularfulli „Herramaðurinn“ sem fannst í Norðursjónum – Hver var hann?
Pressan
Fyrir 4 dögum

Karlar eiga frekar á hættu að fá krabbamein – Ekki vegna þess að þeir reykja og drekka meira

Karlar eiga frekar á hættu að fá krabbamein – Ekki vegna þess að þeir reykja og drekka meira