fbpx
Þriðjudagur 16.ágúst 2022
Pressan

Segir Alec Baldwin hafa spilað rússneska rúllettu

Kristján Kristjánsson
Fimmtudaginn 18. nóvember 2021 06:59

Alec Baldwin. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Mamie Mitchell, sem hringdi í neyðarlínuna eftir að Alec Baldwin skaut Halyna Hutchins til bana, hefur stefnt Baldwin og framleiðendum kvikmyndarinnar, sem var verið að taka upp, og segir að öryggisreglum hafi ekki verið framfylgt á upptökustað. Mitchell segir að Baldwin hafi „valið að spila rússneska rúllettu“ með því að kanna ekki hvort skot væru í byssunni áður en hann hleypti af.

Sky News skýrir frá þessu. Fram kemur að á fréttamannafundi hafi Gloria Allred, lögmaður Mitchell, sagði að Baldwin sé „gamalreyndur“ í bransanum og hefði ekki átt að treysta því að byssa sem einhver annar en leikmunastjóri eða vopnavörður rétti honum væri ekki hlaðin alvöru skotum.

Það var Dave Halls, aðstoðarleikstjóri, sem lét Baldwin fá byssuna og er hann sagður hafa hrópað „cold gun“ þegar hann rétti Baldwin hana en það þýðir að byssa sé ekki hlaðin alvöru skotum.

„Baldwin kaus að spila rússneska rúllettu þegar hann skaut úr byssu án þess að kanna hana og án þess láta vopnavörðinn gera það að sér viðstöddum. Hegðun hans og framleiðenda Rust var ábyrgðarlaus,“ sagði Allred sem sagði einnig að samkvæmt handriti kvikmyndarinnar hafi ekki átt að hleypa af byssu í umræddu atriði.

Hún sagði einnig að öryggisbrestir á borð við að heimila að skotfæri væru á upptökustað, að skotvopn og skotfæri hafi verið eftirlitslaus og að aðrir en vopnavörðurinn og leikmunastjórinn handléku byssur og skotfæri hefðu átt sér stað á upptökustaðnum. „Þetta er mál þar sem líkamstjón eða dauði voru meira en bara möguleiki, það var mjög líkleg niðurstaða,“ sagði hún.

Mitchell segist hafa orðið fyrir miklu tilfinningalegu álagi vegna málsins og öðrum andlegum óþægindum en hún segist hafa verið í fjögurra metra fjarlægð frá Hutchins þegar Baldwin skaut hana til bana. „Þessi atburður hefur eyðilagt gleðina í lífi mínu,“ segir hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Martröð á opnu hafi – Skútan sökk og við tók barátta upp á líf og dauða

Martröð á opnu hafi – Skútan sökk og við tók barátta upp á líf og dauða
Pressan
Fyrir 2 dögum

„Fallegasta múmía heims“ sögð blikka augunum

„Fallegasta múmía heims“ sögð blikka augunum
Pressan
Fyrir 2 dögum

Þóttust vera að safna fyrir uppgjafahermann – Eyddu peningunum sjálf

Þóttust vera að safna fyrir uppgjafahermann – Eyddu peningunum sjálf
Pressan
Fyrir 2 dögum

Þess vegna er gott að setja sítrónu og salt á eldhúsborðið á nóttunni

Þess vegna er gott að setja sítrónu og salt á eldhúsborðið á nóttunni
Pressan
Fyrir 3 dögum

Lést af völdum fjúkandi sólhlífar

Lést af völdum fjúkandi sólhlífar
Pressan
Fyrir 3 dögum

Norðurheimskautið hlýnar tvöfalt hraðar en gert var ráð fyrir

Norðurheimskautið hlýnar tvöfalt hraðar en gert var ráð fyrir