fbpx
Miðvikudagur 20.október 2021
Pressan

„Heimurinn stendur frammi fyrir gríðarlega stóru fjármálahruni í október“

Kristján Kristjánsson
Fimmtudaginn 7. október 2021 06:04

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Allar viðvörunarbjöllur hringja og vara við alvarlegri fjármálakrísu innan mjög skamms tíma. Þetta segir Robert Kiyosaki, bandarískur fjármálasérfræðingur, sem segir að gríðarlega stórt fjármálahrun og kreppa séu í uppsiglingu. Independent greinir frá.

„Við stöndum frammi fyrir stærsta fjármálahruni sögunnar. Skuldir eru alltof miklar og alltof miklu hefur verið dælt af peningum inn í kerfið. Skuldirnar eru algjörlega óyfirsjáanlegar í hlutfalli við brúttóþjóðarframleiðslu. Þetta mun springa,“ sagði hann nýlega í samtali við Kitco News.

Kiyosaki hefur skrifað fjölda bóka um fjárfestingar og þar á meðal metsölubókina Rich Dad Poor Dad. Nú segir hann að við séum nú þegar komin svo langt að ekki sé hægt að snúa þróuninni við og að verð hlutabréfa, Bitcoin, gulls og silfurs muni hrynja innan skamms tíma.

„Ríkin hafa dælt gervipeningum inn í kerfið. Það þýðir að vöruverð hækkar. Þetta er kannski bara skammvinn verðbólga en við stöndum eftir með gríðarlegar skuldir sem verður að greiða. Það eina sem gerviörvun hefur haft í för með sér er að hlutabréfamarkaðurinn og húsnæðismarkaðurinn eru að nauðsynjalausu orðin að bólu sem mun springa,“ sagði hann. Hann vísar þarna til gríðarlega stórra örvunarpakka sem ríkisstjórnir um allan heim hafa dælt inn í hagkerfin til að örva þau. Þetta eru peningar sem voru teknir að láni.

Hann hvetur fólk því til að sýna varkárni í hlutabréfaviðskiptum. „Við stöndum frammi fyrir spilaborg sem mun hrynja. Bæði fasteignaverð og hlutabréfamarkaðurinn munu hrynja. Það er vegna Evergrande í Kína en það mun teygja sig til Bandaríkjanna og bætast við þau alvarlegu vandamál sem fyrir eru,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loftsteinn á stærð við Empire State bygginguna fer framhjá jörðinni í október

Loftsteinn á stærð við Empire State bygginguna fer framhjá jörðinni í október
Pressan
Í gær

Stór breyting hjá British Airways – Ekki má lengur ávarpa farþega með „dömur mínar og herrar“

Stór breyting hjá British Airways – Ekki má lengur ávarpa farþega með „dömur mínar og herrar“
Pressan
Fyrir 2 dögum

Leigusali frá helvíti – „Þú verður að fara eftir öllum reglunum!“

Leigusali frá helvíti – „Þú verður að fara eftir öllum reglunum!“
Pressan
Fyrir 2 dögum

Myrti eiginmann sinn til 25 ára – „Ég reyndi að stinga hann í hjartað en hann var ekki með hjarta“

Myrti eiginmann sinn til 25 ára – „Ég reyndi að stinga hann í hjartað en hann var ekki með hjarta“
Pressan
Fyrir 3 dögum

Getur nýtt kraftaverkabóluefni bjargað lífi milljóna barna?

Getur nýtt kraftaverkabóluefni bjargað lífi milljóna barna?
Pressan
Fyrir 3 dögum

Nýjar ljósmyndir frá Mars munu gagnast við leit að ummerkjum um líf

Nýjar ljósmyndir frá Mars munu gagnast við leit að ummerkjum um líf
Pressan
Fyrir 4 dögum

Upp komast svik um síðir – Sviðsetti eigið sjálfsvíg

Upp komast svik um síðir – Sviðsetti eigið sjálfsvíg
Pressan
Fyrir 4 dögum

Mikil fjölgun förufólks sem kemur til Þýskalands frá Hvíta-Rússlandi

Mikil fjölgun förufólks sem kemur til Þýskalands frá Hvíta-Rússlandi