„Við krefjumst þess að endir verði bundinn á þessa ritskoðun og bann sem þið þekkið öll svo vel,“ sagði Trump á fréttamannafundi í New Jersey í gær. Hann sagði einnig að stjórnarformönnum fyrirtækjanna hafi einnig verið stefnt fyrir dóm en hann sagðist hafa lagt fram stefnu á hendur fyrirtækjunum og stjórnarformönnunum hjá alríkisdómstóli í Flórída.
Trump telur að fyrirtækin hafi beitt hann hróplegu óréttlæti þegar þau útilokuðu hann frá miðlum sínum í janúar í kjölfar árásar stuðningsmanna hans á þinghúsið en margir telja að Trump hafi hvatt þá til árásarinnar.
Áður en til árásarinnar kom hafði Trump ítrekað nýtt sér samfélagsmiðla til að setja fram staðlausar ásakanir sínar um kosningasvindl, ásakanir sem dómstólar hafa hafnað og sömu afstöðu hafa sumir úr stjórn hans og Repúblikanaflokknum tekið.
