Myndin heitir „Hitlers Secret Sex Life“ og var frumsýnd í gær á Sky History. Að sögn erlendra fjölmiðla kemur eitt og annað óvænt fram í myndinni um kynlíf Hitlers. Meðal annars kemur fram að hann hafi átt í kynlífssambandi við systurdóttur sína, Geli Rauba, sem var 19 árum yngri en hann. Það samband er sagt hafa byrjað þegar hún var 17 ára. Í myndinni er því velt upp hvort það hafi orðið henni að bana að hún skýrði öðrum frá löngun Hitlers til að láta annað kasta af sér vatni á hann.
Það var að sögn Otto Strasses sem kom þessum orðrómi af stað en Geli Rauba er sögð hafa sagt honum frá þessum löngunum Hitlers þegar hún skýrði honum frá kynlífi sínu með Hitler. Hún fannst látin skömmu eftir að hún skýrði Strasses frá þessu. Dánarorsökin var sögð vera sjálfsvíg, að hún hafi skotið sjálfa sig í bringuna.
Einnig kemur fram í myndinni að Hitler hafi verið háður klámi og er einkalæknir hans sagður hafa sprautað hann með amfetamíni og nautasæði til að styrkja kynhvöt hans.
Annar kynlífsfélagi hans var leikkonan Renata Mueller. Hún skýrði vini sínum frá því að Hitler hafi viljað láta hana sparka í sig á meðan hann lá á gólfinu. Hann hafi beðið hana um að sparka meira í sig þegar hann lá á gólfinu og hafi örvast sífellt meira kynferðislega við þetta. Skömmu eftir að hún skýrði vini sínum frá þessu hrapaði hún til bana þegar hún datt eða var hrint út um glugga þegar liðsmenn Gestapo voru hjá henni.
