Boston-búinn Bradford Gauthier varar fólk við því að sofa með eða önnur þráðlaus heyrnartól. Hann talar af reynslu, en læknar þurftu að fjarlæga eitt stykki AirPod úr vélinda hans. Frá þessu greinir USA today.

Bradford byrjaði að finna fyrir kvefeinkennum og óttaðist að hann væri að fá hálsbólgu. Hann útskýrði málið þannig fyrir sjálfum sér að hann hefði ekki verið nægilega vel klæddur þegar hann fór út í snjómokstur. Hann fékk þó verulegar áhyggjur þegar hann gat ekki drukkið vatn.

„Ég vaknaði í morgun og mér leið bara sæmilega, en þegar ég fór og ætlaði að fá mér vatnsglas þá neitaði það hreinlega að fara niður. Ég þurfti að halla mér yfir vaskinn og leyfa vatninu að leka úr munninum mínum. Ógeðslegt.“

Viðvörunarbjöllurnar fóru svo að hringja þegar hann fór að leita af AirPodsunum sínum, sem hann hafði verið að nota er hann fór að sofa.

Eftir mikla leitt í herberginu sínu fann hann einungis eitt þeirra. Þá fór hann að gruna að hann hefði hreinlega gleypt það í svefni. Hann ákvað því að drífa sig upp á spítala.

Röntgenmynd á bráðamóttökunni leiddi síðan í ljós að annað AirPodið hefði fests neðarlega í vélinda Bradfords. Hann fór í aðgerð og heyrnartólið var fjarlægt.

Nú varar Bradford fólk við að sofa með AirPods:

„Varið ykkur á því að sofa með þráðlaus heyrnartól þegar þú ert við það að sofna. Þú veist aldrei hvar þau gætu endað.“

Nú hefur Bradford einnig greint frá því að heyrnartólið virkar þrátt fyrir stoppið í vélindanu, þó að það heyrist örlítið verr í því.