Strax á unga aldri vann Melissa Bulanhagui, sem er nú 29 ára, til margra verðlauna fyrir hæfni sína á skautum en hún keppti í listdansi. En nú hefur hún söðlað um og er hætt skautaiðkun og hefur snúið sér að leik í klámmyndum.

Að sögn erlendra fjölmiðla þá nýtur þessi bandarísk-filippeyska kona töluverðra vinsælda í þeim geira. Þar notast hún við listamannsnafnið Jada Kai og kemur að sögn víða við.

Þegar hún keppti í listdansi þá keppti hún bæði fyrir Bandaríkin og Filippseyjar. Hún vann til margra verðlauna á innlendum og erlendum vettvangi. Í hlaðvarpi, þar sem hún ræddi við Asa Akira, fyrrum klámmyndaleikkonu, sagði Jada Kai að hún hafi æft af miklum krafti á unga aldri undir eftirliti strangra foreldra sinna en þegar hún hafði lokið námi í menntaskóla fór hún að fá áhuga á öðru:

„Ég var mjög lostagjörn og hrædd um að ná ekki að missa meydóminn. Ég komst þarna í kynni við þessa hlið mína. Þetta var erfitt fyrir mig því mér fannst að fólk myndi dæma mig, listdans á skautum er mjög íhaldssöm íþróttagrein og þetta er lítið og lokað samfélag.“

Hún fór síðan að missa áhugann á listdansinum og endaði að lokum í Kaliforníu, var atvinnulaus og leiddist og byrjaði að horfa á klám. Þá uppgötvaði hún heim vefmyndavéla.

„Ég sá heimildamynd um þetta og prufaði síðan og þénaði 200 dollara í fyrsta sinn.“

Sagði hún um fyrstu reynslu sína af að koma fram fyrir framan vefmyndavél en það gerði hún fyrir tveimur árum. Það hleypti að sögn kjarki í hana og fljótlega fékk hún tilboð um gerð myndskeiða fyrir Reality Kings. Hún lék í þremur myndskeiðum fyrir fyrirtækið en er nú á mála hjá umboðsskrifstofunni Spiegler Girls. Hún er mjög virk á ýmsum klámsíðum og segist helst vilja búa til sitt eigið efni því þá ráði hún ferðinni.