Á sunnudaginn handtók lögreglan Washington ríki í Bandaríkjunum ökumann eftir æsilega eftirför. Ökumaðurinn hafði ekið á tvo bíla og stungið af í bæði skiptin. Lögreglan hóf þá eftirför sem stóð yfir í góða stund á hraðbrautum og göngustígum í ríkinu og ók maðurinn á allt að 150 km/klst.

Sem betur fer urðu engin alvarleg slys á fólki en talskona lögreglunnar sagði í samtali við CNN að aksturlag mannsins hafi verið hræðilegt. Þegar lögreglumaður reyndi að þvinga ökumanninn til að stöðva aksturinn sá hann að hundur sat í bílstjórasætinu en hinn handtekni í farþegasætinu og hélt um stýrið.

Lögreglan segir það mikla mildi að enginn skyldi slasast því maðurinn ók eftir göngu- og hjólastígum þar sem margt fólk er yfirleitt á ferð.

Lögreglunni tókst að stöðva akstur mannsins með því að nota naglamottur. Þegar hann var handtekinn gaf hann aðeins eina skýringu á hátterni sínu að sögn talskonu lögreglunnar:

Hann var „að reyna að kenna hundinum sínum að aka.“

Ökumaðurinn er einnig grunaður um ölvun við akstur. Hundinum var komið fyrir í dýraathvarfi.