Þeir sem gegna stjórnendastöðum í Bretlandi er vel launað fyrir störfin, það er að segja hjá 100 stærstu fyrirtækjum landsins. Á 33 klukkustundum þénar forstjóri hvers þeirra meira en einn undirmaður hans gerir á ári.

Þetta sýna tölur frá High Pay Centre sem kemst að þeirri niðurstöðu að meðallaun forstjóra séu 117 sinnum hærri en laun undirmanna þeirra. The Guardian skýrir frá þessu. Tölurnar eru unnar upp úr upplýsingum frá FTSE 100 vísitölunni.

Að meðaltali fá yfirmennirnir 901 pund á klukkustund en undirmenn þeirra fá að meðaltali rúmlega 14 pund.

Tim Roache, aðalritari GMB stéttarfélagsins, segir þennan mun alltof háan.

„Þetta ætti að vera uppspretta þjóðarskammar að þessir „feitu kettir“ þéna á nokkrum klukkustundum meira en meðalmaðurinn gerir á einu ári.“