fbpx
Mánudagur 26.október 2020
Pressan

Dýrt tjáningarfrelsi – Öryggisgæsla Rasmus Paludan hefur kostað 2,7 milljarða

Kristján Kristjánsson
Laugardaginn 19. september 2020 08:00

Rasmus Paludan í mótmælagöngu á vegum Stram Kurs.

Ekki missa af Helstu tíðindum dagsins í pósthólfið þitt

Lesa nánar

Tjáningarfrelsið er dýrmætt og ber að virða. Samt sem áður er hætt við að kaffið hafi farið öfugt ofan í marga Dani í vikunni þegar þeir lásu frétt um kostnað við öryggisgæslu Rasmus Paludan formanns öfgahægriflokksins Stram Kurs. Á fyrstu átta mánuðum ársins var kostnaðurinn 13,2 milljónir danskra króna en það svarar til um 286 milljóna íslenskra króna.

BT fékk aðgang að gögnum ríkislögreglustjóraembættisins um kostnaðinn við gæslu Paludans en hann er ofarlega á óvinsældalista margra múslima en hann og flokkur hans beina spjótum sínum aðallega að múslimum. Lögreglan telur að lífi Paludans sé hætta búin og því nýtur hann sólarhringsgæslu lögreglunnar.

Ef þessum 13,2 milljónum er bætt við kostnaðinn við öryggisgæslu hans á síðasta ári, en þá voru þingkosningar og kosningabarátta sem krafðist aukinnar öryggisgæslu, þá er kostnaðurinn 127 milljónir en það svarar til um 2,7 milljarða íslenskra króna.

Það er leyniþjónusta dönsku lögreglunnar sem annast öryggisgæsluna og nýtur aðstoðar annarra lögregluembætta við hana. Paludan hefur farið víða um Danmörku og mótmælt múslimum. Hann hefur margoft mótmælt í hverfum, þar sem margir múslimar búa, og brennt Kóraninn. Þetta hefur því að vonum skapað honum miklar óvinsældir meðal múslima og morðhótunum hefur rignt yfir hann.

Samkvæmt upplýsingum lögreglunnar þá fóru 23.400 vinnustundir í gæslu Paludans frá áramótum til loka júlí.

Paludan, sem er menntaður lögfræðingur, hefur átt erfitt með að halda sig innan marka þess sem tjáningarfrelsið heimilar. Á síðasta ári var hann dæmdur fyrir brot á því ákvæði hegningarlaga sem varðar kynþáttaníð og í júní var hann dæmdur í þriggja mánaða fangelsi fyrir margvísleg brot. Hann var einnig sviptur réttinum til að annast sakamál næstu þrjú ár. Hann áfrýjaði þeim dómi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loftmengun verður hálfri milljón barna að bana árlega

Loftmengun verður hálfri milljón barna að bana árlega
Pressan
Fyrir 2 dögum

Hald lagt á 2,3 tonn af kókaíni

Hald lagt á 2,3 tonn af kókaíni
Pressan
Fyrir 2 dögum

Gríðarlegur taprekstur flugfélaga – Sex milljarðar á dag

Gríðarlegur taprekstur flugfélaga – Sex milljarðar á dag
Fyrir 2 dögum

Fjölskyldan hefur aldrei veitt meira saman

Fjölskyldan hefur aldrei veitt meira saman
Pressan
Fyrir 3 dögum

Níu úr sömu fjölskyldu létust – Borðuðu núðlur sem voru geymdar í frysti

Níu úr sömu fjölskyldu létust – Borðuðu núðlur sem voru geymdar í frysti
Fyrir 3 dögum

Mokveiði ennþá í Eystri Rangá

Mokveiði ennþá í Eystri Rangá
Pressan
Fyrir 4 dögum

Ástralía, Indland, Bandaríkin og Japan taka þátt í stórri heræfingu á Indlandshafi

Ástralía, Indland, Bandaríkin og Japan taka þátt í stórri heræfingu á Indlandshafi
Pressan
Fyrir 4 dögum

NASA og Nokia ætla að koma upp 4G farsímakerfi á tunglinu

NASA og Nokia ætla að koma upp 4G farsímakerfi á tunglinu