fbpx
Miðvikudagur 25.nóvember 2020
Pressan

Enn syrtir í álinn hjá Andrew Bretaprins – Ný skjöl tengja hann enn frekar við Jeffrey Epstein

Kristján Kristjánsson
Þriðjudaginn 4. ágúst 2020 06:59

Viðtal Andrew við BBC síðasta vetur var ekki talið sannfærandi. Þar ræddi hann ásakanir á um kynferðisofbeldi.

Ekki missa af Helstu tíðindum dagsins í pósthólfið þitt

Lesa nánar

Það er óhætt að segja að enn syrti í álinn hjá Andrew Bretaprins í tengslum við kynni hans af bandaríska auðmanninum og barnaníðingnum Jeffrey Epstein. Að minnsta kosti ef miða má við nýbirt dómsskjöl úr einkamáli sem Virginia Giuffre, eitt fórnarlamba Epstein, höfðaði fyrir nokkrum árum á hendur Ghislaine Maxwell unnustu og samstarfskonu Epstein. Maxwell situr nú í gæsluvarðhaldi í New York en hún er sökuð um að hafa aðstoðað Epstein við barnaníð og að hafa tekið þátt í því að hluta sjálf.

Í skjölunum lýsir Giuffre því að þegar hún var 17 eða 18 ára hafi hún verið látin dvelja ein með prinsinum á stórri landareign í Santa Fe í Bandaríkjunum. Þar var hlutverk hennar að sinna prinsinum á meðan hann dvaldi þar. Gilti þá einu hvort um útreiðartúra, sundferðir eða nudd var að ræða. The Mirror skýrir frá þessu. Giuffre segist hafa verið kynlífsþræll Epstein á þessum tíma.

Virginia Roberts Giuffre

Fyrir „vinnuna“ í kringum prinsinn fékk Giuffre greitt sem svarar til um 130.000 íslenskra króna frá Epstein.

„Vinnan mín fólst í að hafa ofan af fyrir honum í sífellu. Það gat verið að láta hann fá aðgang að líkama mínum í tengslum við erótískt nudd eða bara að fara með honum í reiðtúr.“

Sagði Giuffre fyrir dómi. Hún heldur því einnig fram að það hafi verið Maxwell sem skipulagði þessa dvöl sem átti sér stað 2001. Hún sagði einnig að eftir að dvölinni lauk hafi hún hitt Epstein og Maxwell í New York til að segja þeim frá dvölinni. Epstein var að hennar sögn ánægður með það sem hafði gerst í ferðinni og greiddi henni fyrrgreinda upphæð fyrir.

Jeffrey Epstein.

Mál Epstein er flókið og ljóst að ekki eru öll kurl komin til grafar. Enn er ekki ljóst hversu náin tengsl Andrew prins voru við hann og Maxwell. The Mirror segir að fyrrum starfsmaður á landareigninni í Santa Fe hafi sagt að hann hafi séð prinsinn þar en aldrei nema Epstein og Maxwell væru með í för en það stangast á við það sem Giuffre sagði fyrir dómi. Prinsinn þvertekur fyrir allar ásakanir Giuffre.

Þessi nýju gögn auka enn þrýstinginn á bresku lögregluna um að fá aðgang að skjölum um ferðir prinsins en slík skjöl eru til og ná 30 ár aftur í tímann. Í þeim er hægt að sjá nákvæmar upplýsingar um dagsetningar og tímasetningar ferða hans. Þessi gögn geta væntanlega varpað enn frekara ljósi á málið.

Ghislaine Maxwell. Mynd:Wikimedia

Epstein fyrirfór sér í fangelsi í New York á síðasta ári en hann hafði verið ákærður fyrir mansal. Maxwell á að koma fyrir dóm á næsta ári en hún er meðal annars sökuð um kynferðisbrot gagnvart barnungum stúlkum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið
Pressan
Í gær

Nafn hennar vekur athygli – „Hvernig finnst þér að eyðileggja heiminn?“

Nafn hennar vekur athygli – „Hvernig finnst þér að eyðileggja heiminn?“
Pressan
Fyrir 2 dögum

Stefan Löfven – „Það sem við gerum núna sker úr um hverjir verða enn hjá okkur um jólin“

Stefan Löfven – „Það sem við gerum núna sker úr um hverjir verða enn hjá okkur um jólin“
Pressan
Fyrir 2 dögum

Þetta mun bóluefnið gegn kórónuveirunni kosta

Þetta mun bóluefnið gegn kórónuveirunni kosta
Pressan
Fyrir 3 dögum

Salómonseyjar undirbúa að banna Facebook – Segja þetta gert að kröfu Kínverja

Salómonseyjar undirbúa að banna Facebook – Segja þetta gert að kröfu Kínverja
Pressan
Fyrir 3 dögum

9.000 ára gömul gröf veiðimanna breytir sögunni hvað varðar kynjahlutverkin

9.000 ára gömul gröf veiðimanna breytir sögunni hvað varðar kynjahlutverkin