Bloomberg News skýrir frá þessu. Yfirvöld segja að reikna megi með að á milli 100.000 og 240.000 manns látist af völdum veirunnar. Af þeim sökum eru yfirvöld farin að búa sig undir þessar miklu hörmungar sem framundan eru.
Fyrstu 50.000 grænu nælon líkpokarnir eru nú þegar tilbúnir. Þeir eru á lager hjá hernum. Bloomberg segir að næstu 50.000 líkpokar hafi verið pantaðir hjá undirstofnun varnarmálaráðuneytisins en ekki hefur verið skýrt frá hvenær þeir verða tilbúnir til afhendingar. Bloomberg segir þó að samkvæmt pöntuninni eigi að afhenda pokana „eins fljótt og hægt er“.
