Þessi kenning hefur verið býsna lífsseig á veraldarvefnum og ákvað blaðamaður TASS-fréttaveitunnar í Rússlandi að bera hana undir forsetann. Svarið sem Pútín gaf var býsna áhugavert og virðist samsæriskenningin ekki vera alveg úr lausu lofti gripin.
Pútín segir að ekki sé notast við tvífara á fjöldasamkomum heldur komi hann ávallt sjálfur fram. Þessi hugmynd hafi þó verið rædd og ráðamenn rússnesku leyniþjónustunnar raunar mælst til þess að tvífari væri notaður til að tryggja öryggi Rússlandsforseta. Pútín hafi þó sjálfur hafnað þessari ósk.
„Ég neitaði að notast við tvífara. Þetta var rætt þegar baráttan gegn hryðjuverkum stóð sem hæst,“ sagði Pútín en í valdatíð hans í Rússlandi, bæði sem forsætisráðherra og forseti, hafa Rússar barist reglulega glímt við uppreisnarmenn, meðal annars frá Téténíu.
