fbpx
Laugardagur 28.maí 2022
Pressan

Byssum beint að höfðum flóttamanna og bráðnu plasti hellt yfir þá – Myndband

Kristján Kristjánsson
Mánudaginn 4. mars 2019 05:59

Sýrlenskir flóttamenn. Mynd:Wikimedia Commons/ Mstyslav Chernov

Ekki missa af Helstu tíðindum dagsins í pósthólfið þitt

Lesa nánar

Flóttamaður liggur á maganum bundinn á höndum og fótum. Gólfflísarnar eru blóðugar, andlitið er afskræmt. Fyrir aftan manninn stendur óþekktur maður og miðar svartri skammbyssu á hann.

Þetta er ekki skáldskapur heldur það sem sést á myndum, sem voru teknar í Líbíu, af meðferð sem flóttamenn sæta þar í landi. Breska sjónvarpsstöðin Channel 4 fjallaði um málið fyrir helgi og sýndi myndir og myndbandsupptökur frá flóttamannabúðum í Líbíu. Þar eru flóttamenn pyntaðir eftir að hælisumsóknum þeirra hefur verið hafnað í Evrópu.

Á einni upptökunni sést þegar bráðnu plasti er hellt yfir ungan mann á meðan skammbyssu er miðað á hann.

Lögmenn, sem sérhæfa sig í útlendingarétti og málefnum innflytjenda og flóttamanna, hafa viðað að sér efni um pyntingar og kúgun á flóttamönnum og innflytjendum.

„Þeir eru pyntaðir á meðan foreldrar þeirra geta heyrt þá öskra í gegnum símann. Þetta er til að fá foreldrana til að greiða háar fjárhæðir fyrir að fá börn sín aftur.“

Segir Giulia Tranchina í samtali við Channel 4.

„Ég hef hitt marga skjólstæðinga sem eru illa farnir andlega og þaktir örum. Unglingar, sem var haldið í 2-3 ár, og síðan sendir aftur þaðan sem þeir komu frá.“

Segir hún í þættinum.

Evrópusambandið er borið þungum sökum í þættinum og sagt vera samsekt um glæpi gegn innflytjendum því hertar innflytjendareglur geri að verkum að fólkið sé sent aftur til Líbíu í stað þess að það fái hæli í Evrópu. Núverandi stefna ESB gengur út á að þjálfa líbísku strandgæsluna og styðja fjárhagslega við hana en án þess að fylgst sé með hvað gerist í flóttamannabúðum í Líbíu segir í þættinum.

„Forgangsverkefni Evrópuríkja er að stöðva flóttamenn og innflytjendur í að komast yfir Miðjarðarhafið. Engin ríki leggja neitt af mörkum til að stöðva mannréttindabrot í Líbíu.“

Segir Matteo Debellis, hjá Amnesty International.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Karlar hylja andlit sín í Afganistan til að sýna samstöðu gegn Talíbönum

Karlar hylja andlit sín í Afganistan til að sýna samstöðu gegn Talíbönum
Pressan
Fyrir 4 dögum

WHO telur ekki þörf á fjöldabólusetningum gegn apabólu

WHO telur ekki þörf á fjöldabólusetningum gegn apabólu
Pressan
Fyrir 4 dögum

Segir að apabóla sé „sérstaklega ógeðsleg“

Segir að apabóla sé „sérstaklega ógeðsleg“
Pressan
Fyrir 4 dögum

Rafmagnsgítar Kurt Cobain seldur á uppboði fyrir himinháa upphæð

Rafmagnsgítar Kurt Cobain seldur á uppboði fyrir himinháa upphæð
Pressan
Fyrir 5 dögum

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 5 dögum

Fimm létust í þrumuveðri í Kanada

Fimm létust í þrumuveðri í Kanada
Pressan
Fyrir 6 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum
Pressan
Fyrir 6 dögum

Ófrjóir karlar hugsanlega tvöfalt líklegri til að fá brjóstakrabbamein

Ófrjóir karlar hugsanlega tvöfalt líklegri til að fá brjóstakrabbamein