Annar þingmaður, Kanako Otsuji, sagði að reglur sem þessar væru „úreltar“. Umræða fór fram um þetta í þingnefndinni vegna herferðar sem nú er í gangi í Japan þar sem hvatt er til þess að reglum um klæðaburð, sem mismuna kynjunum, verði varpað fyrir róða. Margir hafa lagt nafn sitt við herferðina sem hefur vakið mikla athygli. BBC skýrir frá þessu.
Stuðningsmenn herferðarinnar segja að víða sé það talin skylda fyrir konur að vera í háhæluðum skóm þegar þær sækja um vinnu. Ekki eru nema tvö ár síðan eitt af fylkjum Kanada afnam reglur sem kváðu á um að konur ættu að vera í háhæluðum skóm í vinnunni.
Það getur verið á brattann að sækja að knýja fram breytingar á þessu í Japan enda er íhaldssemin mikil þar í landi og margt í föstum skorðum.