Öflugt þrumuveður gekk yfir hluta Svíþjóðar í gærkvöldi. Í Dalarna kviknuðu fimm eldar af völdum eldinga á aðeins sjö mínútum. Allt voru þetta gróðureldar en einnig kviknaði í raðhúsi í miðbæ Falun eftir að eldingu sló niður í það. Talsmaður lögreglunnar sagðist ekki muna eftir svona mörgum eldsvoðum á jafn skömmum tíma.

Expressen segir að þrumuveðrið hafi komið úr suðvestri upp yfir Svíþjóð og því hafi fylgt öflugar eldingar í Dalarna. Á milli klukkan 19.32 og 19.39 kviknuðu fimm gróðureldar þar af völdum eldinga. Þá kviknaði í raðhúsi í Falun rétt fyrir klukkan 19 eftir að eldingu sló niður í það.

Á laugardaginn lést kona í Kvicksund eftir að hún varð fyrir eldingu og önnur kona slasaðist alvarlega.