Dularfull bráðaveikindi komu upp í skóla í Úkraínu í gær. 50 nemendur og 2 kennarar voru fluttir á sjúkrahús. Margir misstu meðvitund og 11 nemendur eru í lífshættu. Ástand annarra er sagt stöðugt. Yfirvöld grunar að um eitrun sé að ræða en það hefur ekki enn verið staðfest.
Skólinn er í borginni Cherkasy sem er um 190 km sunnan við höfuðborgina Kiev. Volodymyr Groisman, forsætisráðherra, fór til bæjarins í gær til að stýra rannsókn á málinu.
Úkraínskir fjölmiðlar segja að tveir hermenn, sem voru staddir nærri skólanum, hafi einnig veikst.