Matargyðjan Martha Stewart er alltaf til að fara óhefðbundnar leiðir í matargerð. Eitt af því sem henni finnst gaman að elda er grilluð samloka – þó ekki í samlokugrilli heldur á pönnu.

Í flestum myndböndum og uppskriftum að grillaðri samloku eru hliðar brauðsins sem snúa að pönnunni smurðar með smjöri áður en samlokan er grilluð. Martha fer hins vegar allt aðra leið. Hún segir að það sé lykilatriði að skipta smjörinu út fyrir mæjónes. Já, ekki smjör heldur mæjónes. En af hverju?

„Það ku vera færri hitaeiningar í mæjónesi og brauðið brennur ekki,“ hefur hún látið hafa eftir sér. Hún hins vegar smyr brauðið stundum. að innanverðu með smjöri. Merkilegt.