Hér er enn ein dásemdin úr minni æsku – algjört ketó hnossgæti. Þetta er einn af mínum uppáhaldsréttum og algjört sælgæti. Þessi uppskrift kemur frá mömmu, eins og svo margt, og réttur sem ég var alin upp við.
Rétturinn heitir Chow Chow og er borinn fram með grænum grjónum – hann gerist ekki meira ketó. Kjötið sem ég nota er gúllas frá Sogni holdnautakjöti og það gerist ekki betra. Þessi hefur aldrei klikkað.
Hráefni:
smjör
kókosolía
laukur
sellerí
2 msk. karrý
2 msk. paprika
2 tsk. engifer
1 tsk. negull
½ tsk. múskat
¼ tsk. rauður pipar
salt og pipar
1 dós tómatpúrra
500 g nautagúllas
rjómi
1 til 2 teningar nautakjötskraftur
Græn grjón – hráefni:
blómkál og spergilkál í jöfnum hlutföllum
smjör
salt og pipar
Aðferð:
Setja mikið af smjöri og kókosolíu í pott ásamt slatta af lauk og sellerí. Láta krauma þar til mjúkt. Bæta kryddinu út í. Síðan er einni dós af tómatpúrru hrært saman við. Kjötið skorið í fína strimla og sett út í. Rjóma hrært saman við eftir smell sem og nautakjötskraftinum. Sjóða með lokið á í smá stund.
Grjónin eru söxuð fínt í matvinnsluvél og elduð í miklu smjöri á pönnu yfir meðalhita í sirka 10 til 15 mínútur með lokinu á. Hærar upp í þeim nokkrum sinnum og krydda með salti og pipar. Mjög einfalt.
