Við bjóðum upp á fjölbreytt úrval af styttri og lengri fjórhjólaferðum fyrir unga sem aldna um Fljótshlíðina fögru.
Við erum svo heppin að margar af fallegustu og áhugaverðustu náttúruperlum landsins eru í næsta nágrenni við okkur. Það er ekki að ástæðulausu að stórbóndinn gat ekki hugsað sér að yfirgefa hlíð þessa fyrr á öldum, jafnvel þótt lífið lægi við, og skildi eftir sig þau fleygu orð: „Fögur er hlíðin svo að mér hefir hún aldrei jafnfögur sýnst, bleikir akrar en slegin tún, og mun eg ríða heim aftur og fara hvergi.“
Á söguslóðum!
Gaman er að koma á staði þar sem saga náttúru, fornmanna/kvenna og merks fólks sem þar bjó en er nær okkur í tíma, er jafn áberandi og hér.
Að ferðast um náttúruna á fjórhjóli er eitthvað sem nánast allir geta. Við stillum hraða og leiðarvali eftir óskum og getu hvers og eins. Meðfylgjandi myndir sýna nokkra af þeim stöðum sem við heimsækjum í ferðum okkar.
Í Fljótshlíðinni eru fjölbreyttir gistimöguleikar og margt annað hægt að gera.
Við útvegum allan nauðsynlegan búnað svo sem fatnað og hjálma.
PS. Munið eftir myndavélinni!
Nánari upplýsingar má nálgast á vefsíðunni obyggdaferdir.is
Fylgstu með okkur á Facebook: Óbyggðaferðir
Netpóstur: info@atviceland.is
Sími: 661-2503 (Unnar) og 661-2504
Staðsetning: Hótel Hellishólar, Fljótshlíð.