Starfsfólk Visitor hefur áralanga reynslu af skipulagningu keppnis og æfingaferða erlendis fyrir meistaraflokka og yngri flokka í fótbolta, handbolta og körfubolta.

Ferðaskrifstofan Visitor hefur mikla reynslu af skipulagningu keppnis og æfingaferða fyrir íþróttalið, jafnt meistaraflokka sem yngri flokka. Guðrún St. Svavarsdóttir, yfirmaður Visitor Sport segir alla hópa á þeirra vegum vera í skýjunum með ferðirnar sem starfsmenn ferðaskrifstofunnar skipuleggja. „Þegar kemur að skipulagningu æfinga eða keppnisferða sjáum við um allan pakkann. Fyrir utan að bóka þetta helsta, flug, gistingu og rútuferðir þá sjáum við um að finna íþróttasvæði fyrir þá íþrótt sem á að æfa í æfingaferðunum, æfingaleiki, erlenda gestaþjálfara ofl og svo er alltaf talsvert mikil vinna að skrá alla inn í mótin og við sjáum um það að mestu leiti.

Líklega besta úrvalið sem er í boði

Guðrún segir Visitor bjóða uppá fjölbreytt úrval þegar kemur að æfinga og keppnisferðum. Stærstu mótin fyrir yngri flokka í fótbolta eru Helsinki Cup í Finnlandi og USA Cup í Minneapolis, einnig bjóðum við uppá Norway Cup í Oslo, Vildbjerg Cup í Danmörku og Costa Blanca Cup á Benidorm fyrir fótboltaiðkendur. Fyrir handbolta krakka bjóðum við uppá er Generation Handball í Viborg sem er mjög vinsælt mót ásamt sterku móti á Ítalíu. Fyrir þá sem stunda körfubolta bjóðum við uppá flott mót á Spáni, Eurobasket og Globasket en einnig hefur Gautaborg Basketball Festival verið mjög vinsælt en það mót er í maí.

Vinsælustu mótin að fyllast og þeir sem bóka seint borga meira!

Í sumar vorum við með um 330 krakka sem fóru á USA Cup og skemmtu sér mjög vel. Það er mót sem er svona „einu sinni á ævinni mót„. Eins og allt í USA er þetta gríðarlega stórt mót. 15.000 keppendur frá öllum heiminum keppa á 60 knattspyrnuvöllum sem eru á sama svæðinu. Innan svæðisins er líka 18 holu golfvöllur ef foreldrum t.d. leiðist og svo þrjú skautasvell svo eitthvað sé nefnt. Rúsínan í pylsuendanum er svo ferð í Mall of America í lok ferðarinnar.

Helsinki Cup hefur heldur betur slegið í gegn hjá krökkum í 3. og 4. flokki. Mikið um leiki og stutt í leiki og afþreyingu á svæðinu. Helsinki er miklu skemmtilegri en margir halda. Heimili Múmínálfanna!

Körfuboltamótin á Spáni hafa einnig verið vinsæl ásamt Generation handball fyrir handbolta iðkendur.

Svo má ekki gleyma að minnast á knattspyrnuskóla Visitor í Bolton á Englandi. Þar er æft eins og atvinnumenn gera, tvisvar á dag við bestu aðstæður undir handleiðslu þjálfara frá Bolton. Skólinn er fyrir drengi í 3. og 4. flokki og er ferðin vikulöng.

Foreldraráð, þjálfarar og íþróttafélög geta óskað eftir að fulltrúi frá Visitor Sport komi í heimsókn og haldi kynningu á þeim æfinga -og keppnisferðum sem í boði eru.

Nánar á visitor.is.