Ferðaskrifstofan Úrval-Útsýn býður upp á fjöldann allan af spennandi flugtilboðum á afar hagstæðu verði. Nokkur sæti eru laus í vélar sem fljúga til þessara áfangastaða á næstu dögum og vikum og úrvalið af pökkum sem eru í boði, flug og gisting, er með besta móti. Þar ættu allir að geta fundið eitthvað við sitt hæfi.
Meðal áfangastaða eru vinsælustu ferðamannastaðir Íslendinga eins og Alicante og Tenerife en líka perlur eins og Verona, Krít og Almeria sem allir ættu að upplifa.
„Neyslumynstrið varðandi ferðalög hefur breyst mikið. Þó að enn séu margir sem að skipuleggja ferðalögin sín langt fram í tímann þá eru margir farnir að taka skyndiákvarðanir og skella sér í ferðir með skömmum fyrirvara, jafnvel bara ef að þeir eru búnir að fá nóg af veðrinu eða reykspúandi eldfjöllum,” segir Þórunn Reynisdóttir, forstjóri Úrvals Útsýnar, og hlær.
Hún segist upplifa að Íslendingar séu farnir að fjárfesta meira í ferðalögum og þar með samverustundum með vinum og fjölskyldum frekar en dýrum mublum inn á heimilið. „Það er augljóslega mun betri fjárfestingakostur og á þeim markaði erum við sérfræðingarnir,” segir Þórunn kímin.
Eins og undanfarin ár er fjöldinn er að leggja leið sína til Tenerife og Alicante enda frábærir áfangastaðir sem eru vinsælir að ástæðu. Fyrir þá sem vilja upplifa eitthvað nýtt bendir Þórunn á ferðir til Verona á Ítalíu , Krítar og Almeria á Spáni sem eru ekki síður heillandi staðir sem enginn ætti að láta fram hjá sér fara.
„Verona er frábær áfangastaður sem nýtur mikilla vinsælda. Borgin sjálf er afar falleg og sjarmerandi enda ein sú elsta í Evrópu en það er ekki síður staðsetning hennar sem gerir hana svo eftirsóknarverða. Frá Verona er stutt í margar af helstu ferðmannaperlur Ítalíu, hvort sem er það Garda-vatn, Feneyjar, Dólómítarnir eða Toskana. Möguleikarnir eru óþrjótandi,” segir Þórunn.
Þá sé Almería frábær áfangastaður fyrir fjölskylduna. Borgin sé róleg, með ekta spænskri menningu, fallegum ströndum og fjölbreyttum afþreyingarmöguleikum. Ekki skemmir fyrir að ein þekktasta og mest heimsótta borg Spánar er ekki langt undan, Granada, og dagsferð þangað er ógleymanleg reynsla.
„Þá má ég til með að mæla með spennandi ævintýraferð um Ísrael 10. – 18. ágúst í fararstjórn Stefáns Einars Stefánssonar þar sem perla Jórdaníu, Petra, verður heimsótt. Ég get líka mælt með því að ævintýraþyrstir skoði þær sérferðir sem við bjóðum upp á. Þar eru í boði frábærar ferðir til spennandi staða í Asíu og Afríku, allt með íslenskri fararstjórn.
Spennandi sérferðir meðal annars til Asíu og Afríku
En Úrval Útsýn er leggur ekki bara áherslu á sumar og sól. Sala í haust- og vetrarferðirnar er í miklum blóma og þar er sannarlega úr nægu að velja.
„Við finnum það að fjölbreytnin skiptir viðskiptavini miklu máli og við komum til móts við það með spennandi borgarferðir á nýja staði Til að mynda Lissabon, Riga, Marrakesh, Valencia og hina mögnuðu Lecce á Suður-Ítalíu,” segir Þórunn.
Hefðbundnari borgarferðir njóta þó enn mikilla vinsælda og þar má nefna aðventuferðir til Kaupmannahafnar, Glasgow, Dublin , Riga og Berlín.
Hér má kynna sér fjölbreyttar borgarferðir hjá Úrval Útsýn
Þá eru sérstakar heilsuferðir sífellt að ryðja sér meira til rúms og þar hefur Úrval Útsýn svarað kalli viðskiptavina. „Golf- og skíðaferðir njóta alltaf mikilla vinsælda og við leggjum áherslu á að hafa spennandi framboð af slíkum ferðum í sölu. En síðan höfum við bætt við göngu- og hjólaferðum, sérstakar jóga-ferðir og jafnvel sérstökum crossfit-ferðum. Slíkar ferðir, þar sem hreyfing og heilsa er í forgrunni, njóta æ meiri vinsælda og við hvetjum áhugsama til að skoða úrvalið sem er í boði. Síðan má ekki gleyma því að við hjá Úrvali Útsýn erum ekki bara með tilbúnar ferðir til sölu. Við aðstoðum einnig einstaklega og hópa, til dæmis starfsmannafélög, við að skipuleggja ferðir enda getur falist í því mikið öryggi, varðandi tryggingar og ábyrgðir, að bóka í gegnum íslenska ferðaskrifstofu,“ segir Þórunn.
