Ferðaskrifstofan Úrval-Útsýn heldur áfram að kynna Íslendinga fyrir paradísinni Punta Cana í Dóminíska lýðveldinu og býður nú í þriðja sinn upp á beint flug til eyjunnar þann 6. janúar næstkomandi. Fjöldi glæsilegra hótela er í boði fyrir ferðalanga en alls er um átta nátta ferð að ræða,
„Sjötti janúar er oft sagður leiðinlegasti dagur ársins enda hellist skammdegið yfir þegar jólahátíðinni lýkur. Ég held að það geti ekki verið betra en að fljúga þann dag af landi brott og beint í sólarparadísina,“ segir leikkonan Helga Thorberg sem er farastjóri Úrvals-Útsýn í ferðinni eins og í fyrri ferðum.
Helga hefur bundist Dóminíska lýðveldinu tilfinngarböndum og ekki síst vegna þess að hún giftist þar innfæddum manni á árum áður. Hjónabandið gekk þó ekki upp en það hefur ekki varpað skugga á karabísku eyjuna í augum Helgu. „Ég skildi við kallinn en ekki landið,“ segir Helga og hlær dátt.
Punta Cana er stórt hótelsvæði á austurhluta Dóminíska lýðveldsins. Heimamenn hófu að þróa svæðið fyrir ferðamenn fyrir 50 árum síðan og svo vel tókst til að í dag er Punta Cana einn vinsælasti ferðamannastaður Karabíska hafsins. Helga segir að það séu ærnar ástæður fyrir því.
„Túrkísblár er uppáhalds liturinn minn og það er liturinn á sjónum við þessar fallegu sólstrandir sem hafa iðulega verið á listum yfir bestu sólstrendur heims. Úrval Útsýn býður einmitt upp á hótelgistingar við þessar strendur,“ segir Helga. Auk magnaðra stranda þá leggja hótelin mikið upp úr hverskonar heilsutengda þjónustu og alls konar dekur er í boði, allt frá vel útbúnum líkamsræktarstöðvum til hágæða nudds við ströndina.
En það er ekki síður svæðið fyrir utan hótelgarðanna sem heillar Helgu og hún mun sjá um þrjár skoðanaferðir á vegum Úrval-Útsýn á meðan ferðinni stendur. Í boði verður að kynnast landi og þjóð í sérstakri safari-ferð, sleppa taumnum lausum og dansa um borð í catamaran-bátsferð og svo heimsækja Saona-eyjuna og upplifa ósnortna náttúrufegurð landsins.
„Ég hef ferðast víða en Isla Saona er held ég uppáhalds staðurinn minn á jörðinni. Fergurðin þar er engu lík,“ segir Helga, sem segist ekki geta beðið eftir því að kynna fleiri Íslendinga fyrir töfrum karabísku eyjunnar sem hún unnir svo heitt.
Allar nánari upplýsingar um ferðina einstöku til Punta Cana má nálgast á vef Úrval-Útsýn
