fbpx
Þriðjudagur 25.mars 2025
Fréttir

Ævintýralega löng flugferð frá Tenerife til Akureyrar: Enduðu í Glasgow eftir átta tíma flug – Mikið klappað þegar vélin loksins lenti

Einar Þór Sigurðsson
Föstudaginn 7. febrúar 2025 10:14

Ekki missa af Helstu tíðindum dagsins í pósthólfið þitt

Lesa nánar

Farþegar um borð í flugvél Neos á leið frá Tenerife til Akureyrar í gær fengu aðeins lengri flugferð en þeir áttu von á. Eftir rúma átta tíma í loftinu lenti vélin í Glasgow á Skotlandi eftir árangurslausar tilraunir til lendingar, bæði á Akureyri og svo í Keflavík.

Eins og landsmenn vita gekk vonskuveður yfir landið í gær og voru rauðar viðvaranir í gildi fram eftir degi. Þetta hafði sín áhrif á flug og voru margar flugferðir felldar niður.

DV ræddi við farþega sem var um borð í vél Neos og segir hann að stemningin í fluginu hafi verið ágæt þrátt fyrir býsna langt ferðalag.

„Farþegar voru aðallega hissa á að vélin hafi lagt af stað frá Tenerife í ljósi þess hvernig veðrið var,“ segir farþeginn og bætir við að eins hafi komið á óvart að ekki hafi tekist að lenda vélinni á Akureyri.

„Við vorum komin það neðarlega og svo komu nokkrar vélar á eftir okkur og lentu í Keflavík.“

Farþeginn segir að búið hafi verið að finna hótel fyrir farþega í Glasgow og var hugsað vel um farþegana, þó að maturinn um borð hafi verið búinn. Bætir hann við að farþegar hafi klappað þegar vélin lenti í Glasgow enda getur það tekið á að sitja í flugvél í átta tíma og fimmtán mínútur.

Óvíst er hvenær hópurinn kemst heim.

„Við erum enn í óvissu, það er verið að skoða veðurskilyrði heima en okkur hefur verið sagt að halda kyrru fyrir á hótelinu þar ti frekari upplýsingar berast,“ segir farþeginn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Heimir Már tætir RÚV í sig og Sunna Karen svarar – „Þú fékkst upplýsingar um að fréttin færi í loftið klukkan 18“

Heimir Már tætir RÚV í sig og Sunna Karen svarar – „Þú fékkst upplýsingar um að fréttin færi í loftið klukkan 18“
Fréttir
Í gær

Leita manns sem gufaði upp á Íslandi árið 1999 – „Lenti hann í slysi? Var hann myrtur?“

Leita manns sem gufaði upp á Íslandi árið 1999 – „Lenti hann í slysi? Var hann myrtur?“
Fréttir
Fyrir 2 dögum

Sonur Ásthildar Lóu stígur fram: „Kannski verið vert að spyrja hversu margar af þessum 24 klukkustundum hann nýtti til samveru með mér“

Sonur Ásthildar Lóu stígur fram: „Kannski verið vert að spyrja hversu margar af þessum 24 klukkustundum hann nýtti til samveru með mér“
Fréttir
Fyrir 2 dögum

Lögreglukona segist hafa þurft að losa tak Hauks af sýrlenska bílstjóranum en telur ekki að hann hafi ætlað að bana honum

Lögreglukona segist hafa þurft að losa tak Hauks af sýrlenska bílstjóranum en telur ekki að hann hafi ætlað að bana honum