Eldur kom upp í starfsstöð endurvinnslufyrirtækisins Pure North í Hveragerði á ellefta tímanum í gærkvöldi.
Einn var fluttur þungt haldinn á Landspítalann vegna reykeitrunar og þá fékk annar aðhlynningu á Heilbrigðisstofnun Suðurlands.
RÚV greindi frá málinu og hafði eftir Frímanni Baldurssyni, aðalvarðstjóra hjá lögreglunni á Suðurlandi, að eldur hafi komið upp í hreinsitæki í verksmiðjunni. Slökkviliðið réði niðurlögum eldsins og var húsnæðið reykræst í kjölfarið.