Dómur var kveðinn upp fyrir tveimur mönnum, Degi Þór Hjartarsyni og Baldri Elmari Haukssyni, í Héraðssdómi Reykjaness í dag, fyrir mörg brot, sum þeirra framin í sameiningu.

Dagur Þór var ákærður fyrir samtals 12 brot, þjónaði, nytjastuld og umferðarlagabrot, en alvarlegasta brotið er rán í versluninni Nettó í Lágmúla. Laugardaginn 25. júni fór hann þangað inn og veittist með ofbeldi að starsfmanni. Sló hann manninn í andlitið með hnúajárni með þeim afleiðingum að brotaþolinn hlaut eymsli á enni og hægra gagnauga. Einnig hafði Dagur Þór á brott með sér 35 þúsund krónur úr sjóðsvél verslunarinnar.

Meðal ákæruliða gegn Baldri Elmari Haukssyni er fyrir rán, með því að hafa fimmtudaginn 16. febrúar, félagi við þekktan aðila, í anddyri Landsbankans að Hamraborg 8 í Kópavogi, veist að manni, ógnað honum með hnífi og í kjölfarið hrifsað 10.000 krónur af honum og haft á brott með sér.

Þeir Dagur Þór og Baldur Elmar voru einnig ákærðir fyrir að hafa ráðist saman að manni í anddyri Arion banka og slegið hann í höfuð og sparkað í fætur hans með þeim afleiðingum að maðurinn hlaut mar á hægra gagnauga, hné og sköflung, og eymsli við hægri öxl. Hrifsuðu þeir af manninum 30.000 krónur og stálu einnig af honum rafskútu.

Þeir Dagur Þór og Baldur Elmar játuðu báðir brot sín fyrir dómi og var það virt til refsilækkunar. Engu að síður fékk Dagur Þór tveggja ára fangelsi og Baldur Elmar 10 mánaða fangelsi.

Dóminn má lesa hér.