fbpx
Laugardagur 20.júlí 2024
Fréttir

Sérkennileg tengsl á milli Ungverjalands og Hlíðasmára – Ólafur ákærður í annað sinn

Ágúst Borgþór Sverrisson
Þriðjudaginn 11. júní 2024 15:00

Ekki missa af Helstu tíðindum dagsins í pósthólfið þitt

Lesa nánar

Fyrir nokkrum dögum var þingfest við Héraðsdóm Reykjavíkur mál sem héraðssaksóknari hefur höfðað á hendur Ólafi Guðjóni Haraldssyni fyrir meiriháttar brot gegn skattalögum og almennum hegningarlögum.

Brotin er Ólafur sagður hafa framið sem framkvæmdastjóri og stjórnarmaður félagsins B1100. Er hann sagður hafa ekki staðið skil á virðisaukaskatti sem nemur 101.731.414 kr. og ennfremur ekki staðið skil á staðgreiðslu opinberra gjalda upp á rúmlega 70 milljónir króna.

Félagið B1100 var úrskurðað gjaldþrota í október árið 2022. Í fyrirtækjaskrá Skattsins er lögheimili þess skráð að Hlíðasmára 2. Aldrei hafa hins vegar verið ummerki um fyrirtækið hafi haft aðsetur þar. Raunverulegur eigandi að B1100 er skráður Guðmundur Oddur Þorgeirsson en fyrirtækið er sagt hafa sinnt byggingu íbúðar- og atvinnuhúsnæðis.

Annað málið tengt Hlíðasmára 2

Ólafur Guðjón Haraldsson hefur a.m.k. einu sinni áður verið ákærður fyrir skattsvik en síðasta málinu gegn honum var vísað frá dómi. Í ágústmánuði í fyrr avar Sigurður Kristinn Árnason, sem einnig býr í Ungverjalandi, ákærður fyrir að hafa vanframtalið eigin tekjur á skattframtölum 2018 til 2019 sem nemur samtals tæplega 70 milljónum króna, en vangreiddur tekjuskattur og útsvar nema tæplega 28 milljónum króna samkvæmt ákæru. Hins vegar var hann ákærður, ásamt Ólafi Guðjóni Haraldssyni,  fyrir meiriháttar brot gegn skattalögum og almennum hegningarlögum í rekstri einkahlutafélagsins BC1. Var fyrirtækið til húsa að Hlíðasmára 2 í Kópavogi og rak starfsmannaleigu og bílaleigu.

Sem fyrr segir var ákæru gegn Ólafi vísað frá í þessu máli en Sigurður Kristinn Árnason var sakfelldur og dæmdur til að greiða tæplega 200 milljóna króna sekt, auk fimm mánaða fangelsis og níu mánaða skilorðs.

DV hefur ekki skýringar á því hvers vegna félög sem mennirnir tengjast eru skráð með lögheimili að Hlíðasmára 2 þegar ekkert bendir til að þau hafi nokkurn tíma starfað þar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Flutningur ráðuneytanna langt kominn í glæsihýsið við Austurbakka – Óvíst um endanlegan kostnað

Flutningur ráðuneytanna langt kominn í glæsihýsið við Austurbakka – Óvíst um endanlegan kostnað
Fréttir
Í gær

Bandarískur blaðamaður dæmdur í 16 ára fangelsi fyrir njósnir í Rússlandi

Bandarískur blaðamaður dæmdur í 16 ára fangelsi fyrir njósnir í Rússlandi
Fréttir
Fyrir 2 dögum

Einar Stef ráðinn markaðsstjóri Blikk

Einar Stef ráðinn markaðsstjóri Blikk
Fréttir
Fyrir 2 dögum

Mogginn gagnrýnir lögreglustjóra harðlega – „Ljóst að Höllu Bergþóru lög­reglu­stjóra varð illi­lega á í mess­unni“

Mogginn gagnrýnir lögreglustjóra harðlega – „Ljóst að Höllu Bergþóru lög­reglu­stjóra varð illi­lega á í mess­unni“