fbpx
Laugardagur 02.mars 2024
Fréttir

Splunkunýtt flugskeyti á leið til Úkraínumanna – „Þetta vopn getur skipt miklu máli fyrir Úkraínu“

Ritstjórn DV
Föstudaginn 9. febrúar 2024 07:00

Ground Launched Small Diameter Bomb er öflugt vopn sem mun gagnast Úkraínumönnum vel. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Úkraínumenn eru að fá nýtt langdrægt flugskeyti til umráða. Það er sérhannað af Saab og Boeing. Flugskeyti af þessari tegund hafa aldrei áður verið notuð í stríði en samt sem áður vænta margir þess að það geti skipt miklu máli á vígvellinum. Það dregur 150 kílómetra og sprengioddur þess er 90 kíló.

„Þetta vopn getur skip miklu máli fyrir Úkraínu en það gerir ekki útslagið eitt og sér,“ sagði Esben Salling Larsen, majór og hernaðarsérfræðingur við danska varnarmálaskólann, í samtali við Jótlandspóstinn.

Vopnið heitir „Ground-Launched Small Diameter Bomb“ (GLSDB) og hefur verið á leiðinni síðan á síðasta ári þegar Bandaríkin tilkynntu að þau myndu gefa þetta sérhannaða vopn til Úkraínu. Nú er það sem sagt á leiðinni þangað og getur borist úkraínska hernum hvenær sem er að sögn Politico.

Bandaríkin eiga sjálf flugskeyti, sem líkist GLSDB, en það er aðeins hægt að skjóta því frá flugvélum. Þess vegna þurftu Saab og Boeing að prófa nýja flugskeytið, sem er hægt að skjóta frá jörðu, áður en það verður afhent Úkraínumönnum.

Larsen sagði að það líkist einna helst sumum þeim sprengjum sem er venjulega skotið frá F-16 orustuþotum eða F-35. Það sé þannig hægt að ná sömu áhrifum án þess að taka áhættuna á að vera með flugvél á lofti.

Sumarið 2022 fengu Úkraínumenn fyrsta HIMARS-flugskeytakerfið. Nýju flugskeytin minna að miklu leyti á flugskeytin sem eru notuð í HIMARS en eru bara betri. Það er erfiðara að sjá þau á lofti og þau draga lengra að sögn Larsen.

Það er einnig hægt að skjóta þeim frá HIMARS-skotkerfinu. Nýja flugskeytið er með nokkurskonar vængi sem gerir að verkum að það dregur lengra og þess utan er það minna en HIMARS og því erfiðara fyrir ratsjár að sjá það.

Hann sagðist ekki sjá að nýju flugskeytin færi Úkraínu yfirburði á vígvellinum en þau muni gera Úkraínumönnum kleift að gera árásir lengra að baki víglínunnar og því geti þeir hæft birgðalínur Rússa betur. Það geti þvingað Rússa til að flytja þær enn fjær víglínunni sem valdi þeim auðvitað erfiðleikum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Lögreglan skoðar tengsl gluggagægja meðal sorphirðumanna og innbrota á Álftanesi

Lögreglan skoðar tengsl gluggagægja meðal sorphirðumanna og innbrota á Álftanesi
Fréttir
Fyrir 2 dögum

Zelenskyy tjáir sig um Pútín – „Ég held að þetta muni veikja hann mjög mikið“

Zelenskyy tjáir sig um Pútín – „Ég held að þetta muni veikja hann mjög mikið“